پرەزيدەنت ن.نازارباەۆتىڭ “پرەزيدەنتتىڭ بەس الەۋمەتتىك باستاماسى” اتتى حالىققا ۇندەۋىنىڭ ءتورتىنشى باعىتى –  «شاعىن نەسيە بەرۋدى كوبەيتۋ» دەپ اتالادى. ياعني، ءوءزىن-ءوزى ەڭبەكپەن قامتىعان جانە جۇمىسسىز تۇرعىنداردىڭ اراسىندا جاپپاي كاسىپكەرلىكتى دامىتۋ ءۇشىن اتقارىلىپ جاتقان جۇمىستاردىڭ اياسىندا جەڭىلدەتىلگەن شاعىن نەسيە بەرۋدىڭ  ءتيىمدى تەتىگى.  

2017 جىلى جالپى سوماسى 32 ميلليارد تەڭگە بولاتىن 7200 شاعىن نەسيە بەرىلگەن.

پرەزيدەنت تاپسىرماسىمەن بىلتىرعى جىلى وعان قوسىمشا 20 ميلليارد تەڭگە ءبولىنىپ، شاعىن نەسيەلەردىڭ جالپى سوماسىن 62 ميلليارد تەڭگەگە جەتكىزۋ جوسپارلانعان.

ناتيجەسىندە شاعىن نەسيە الاتىنداردىڭ سانى 2017 جىلمەن سالىستىرعاندا 2 ەسەگە ارتىپ، 14 مىڭ ادامعا جەتەدى دەپ بولجانعان بولاتىن.

بۇل باستاما مىڭداعان ادامعا ءوز ءىسىن اشۋعا مۇمكىندىك بەرەتىندىگىمەن ماڭىزدى.اسىرەسە، اۋىل-ايماقتار ءۇشىن، اۋىلداعى كاسىپكەرلىكتى دامىتۋ ءۇشىن ايرىقشا ماڭىزدى ەكەنى ءسوزسىز.

پرەزيدەنتتىڭ وسى باستاماسى بويىنشا وڭىرلەردە اۋقىمدى جۇمىستار اتقارىلىپ جاتىر. ماسەلەن، قازىرگى تاڭدا شىمكەنتتە ناتيجەلى جۇمىسپەن قامتۋ جانە جاپپاي كاسىپكەرلىكتى دامىتۋ باعدارلاماسىنىڭ ەكىنشى باعىتىن ىسكە اسىرۋ اياسىندا اتقارىلىپ جاتقان يگى ىستەر از ەمەس.

شىمكەنتتەگى حالىقتى جۇمىسپەن قامتۋ ورتالىعىنىڭ مالىمەتىنشە، شاعىن كاسىپتى دامىتۋ بويىنشا قالادا 2018 جىلدىڭ قاڭتار ايىنان بەرى، ياعني جىل باسىنان قازىرگە دەيىن 290 ادامعا سەرتيفيكات بەرىلگەن. ونىڭ ىشىندە 64 ازامات كاسىبىن دامىتىپ، وركەندەتۋ ءۇشىن 829 ملن تەڭگە كولەمىندە ميكرونەسيە العان. ولاردى اتاپ ايتساق،

- 11% نەمەسە 7 ازامات ء(ىرى مال بورداقىلاۋ)

- 47% نەمەسە 30 ازامات (قىزمەت كورسەتۋ سالاسى)

- 17% نەمەسە 11 ازامات (ونەركاسىپ)

- 3% نەمەسە 2 ازامات ء(بىلىم)

- 20,5% نەمەسە 13 ازامات (ساۋدا-ساتتىق)

- 1,5% نەمەسە 1 ازامات (قۇرىلىس).

ال، اقتوبە وبلىسىندا  وتكەن جىلى پرەزيدەنت تاپسىرماسىنا سايكەس، بيۋدجەتتەن كاسىپكەرلەرگە  شاعىن نەسيە بەرۋ ءۇشىن   870 ميلليون تەڭگە ءبولىنگەن. وعان قوسىمشا 540 ميلليون تەڭگەنى «دامۋ» كاسىپكەرلىكتى دامىتۋ قورى» اق قوستى. بارلىعى 1 ميلليارد 400 ميلليوننان استام قارجى ەكىنشى دەڭگەيلى بانكتەرگە اۋدارىلعان.

سونداي-اق، شاعىن جانە ورتا بيزنەستى دامىتۋعا ارنالعان ۇكىمەتتىڭ 20-20 باعدارلاماسى بويىنشا 351 جوبا قارالعان. جوبالاردىڭ جالپى قۇنى 6,3 ميلليارد تەڭگەنى قاجەت ەتتى. الايدا  ارنايى قۇرىلعان كوميسسيانىڭ شەشىمىمەن 274 جوبا ماقۇلدانىپتى.

دەگەنمەن ىرىكتەلگەن  جوبالاردى ءارى قاراي قارجىلاندىرۋ ءۇشىن  ولار ەكىنشى دەڭگەيلى بانكتەردىڭ وبلىستاعى فيليالدارىنا جىبەرىلگەن.

ماسەلەن، «بتا بانك» اكتسيونەرلىك قوعامىنا  67 جوبا باعىتتالسا،  ەۋرازيالىق بانككە – 111, تسەنتر كرەديت بانكىنە 93 جوبانى قارجىلاندىرۋعا جىبەرىلگەن.

قازىرگى كەزدە بانكتەر جىبەرىلگەن جوبالاردىڭ 49-ىن قارجىلاندىرىپ جاتقان كورىنەدى. ياعني بانكتەر وزدەرىنە اۋدارىلعان قارجى كولەمىنە قاراي ارەكەت ەتتى

Abai.kz