قازاقستان رەسپۋبليكاسىنىڭ سۋ جاڭا ءبىلىم جانە عىلىم ءمينيسترى كۇلاش شامشيدينوۆا "ۇلتتىق بىرىڭعاي تەستىلەۋ بالالاردى سترەستىك جاعدايعا دۋشار ەتپەۋى كەرەك" دەپ مالىمدەدى. بۇل تۋرالى اباي-اقپارات حابارلايدى. 

قازاقستاننىڭ ءبىلىم سالاسىندا ءتۇرلى رەفورمالاردىڭ ءجيى جاسالۋىنا بايلانىستى ەلىمىزدەگى ۇلتتىق بىرىڭعاي تەستىلەۋى دە ءجيى وزگەرىستەرگە ءتۇسىپ جۇرگەنى انىق. مينيستر اۋىسقان سايىن نەشە ءتۇرلى جاڭالىقتارىمەن كەلەدى. ولاردىڭ اراسىندا ءبىلىم سالاسىنا پايدالى وزگەرىستەر دە بولىپ تۇراتىنى راس. ءبىلىم جانە عىلىم ءمينيسترى كۇلاش شامشيدينوۆا بيىلدان باستاپ تەست بۇرىنعىداي ءبىر مارتە ەمەس، باقانداي ءتورت رەت تاپسىرىلاتىن ايتتى. ءمينيستردىڭ ايتۋىنا قاراعاندا بۇل قادام وقۋشىلاردىڭ سترەستىك جاعدايعا تۇسپەۋىنە سەپتەسەتىن كورىنەدى.

كۇلاش شامشيدينوۆا، ءبىلىم جانە عىلىم ءمينيسترى:

ء"بىلىم مينيسترلىگى ۇلتتىق بىرىڭعاي تەستىلەۋدەگى باعالاۋ جۇيەسىن وبەكتيۆتى، قولجەتىمدى، اشىق ءارى ءادىل ەتۋدى الدىعا ماقسات ەتىپ قويىپ وتىر. الداعى جىلى مۇنان باسقا اناۋ ايتقانداي وزگەرىستەر بولمايدى. ياعني، ءبىز ۇبت-عا تاعى دا وزگەرىس ەنگىزۋ باستاماسىن كوتەرمەيمىز. قازىر ۇبت-نى تۇلەكتەرگە 4 رەت تاپسىرتۋ ءۇردىسى جۇرگىزىلىپ جاتىر. بيىلعى تۇلەكتەر مەكتەپتى تامامداعان سوڭ، اقىرعى ۇبت-نى تاپسىرۋعا كەلەدى. وعان دەيىن ولاردىڭ اقىلى وقۋ ورنىنا تۇسۋىنە، مەجەلى باللدى الدىنداعى ءۇش تەستەن جيناپ الۋىنا مۇمكىندىكتەر قاراستىرىلدى. ياعني، ولاردىڭ سترەستىك جاعدايعا دۋشار بولماۋىنا بارلىق جاعدايدى جاساپ وتىرمىز. سوندىقتان ەندى بالالاردى "ۇبت-دان وتپەي قالاسىڭ" دەپ سترەستىك جاعدايعا يتەرمەلەۋدىڭ رەتى جوق. دەگەنمەن دە ءبىز ۇبت سۇراقتارىنىڭ مازمۇنىن بايىتۋ باعىتىنداعى جۇمىستاردى جالعاستىرا بەرەمىز. بۇل وقۋشىنىڭ قاي تاقىرىپتى بىلەتىنىن، قاي تاقىرىپتى بىلمەيتىنىن انىقتاپ بەرەدى دەپ ويلايمىن. 

Abai.kz