جەكسەنبى, 25 تامىز 2019
676 0 پىكىر 13 ناۋرىز, 2019 ساعات 10:05

«جەردىڭ بارلىق تۇرعىندارى عالامتورعا قوسىلۋى كەرەك»

ينتەرنەتتى جاساۋشىلاردىڭ ءبىرى، بريتان فيزيگى تيم بەرنەرس-لي 12 ناۋرىزدا ينتەرنەتتى پايدالانۋدىڭ قاۋىپتىلىگىن قوعامعا ەسكەرتكەن حات جاريالادى. بۇل ۇندەۋ عالامتوردىڭ پايدا بولعانىنا 30 جىل تولۋىنا ارنالعان.

بەرنەرس-ءليدىڭ پىكىرىنشە، ينتەرنەت قانالۋشى تاپقا داۋىس بەردى، بىراق سونىڭ ارقاسىندا الاياقتار قىلمىستىڭ جاڭا ءتۇرىن جاساۋعا مۇمكىندىك تە الدى. ول قولدانۋشىلاردى قوردالانعان ءىرى ماسەسەلەردى شەشۋ ءۇشىن عالامدىق ۆەب-قاۋىمداستىق سەكىلدى بىرىگۋگە شاقىردى.

عالىم عالامتورعا قوسىلعاندار مەن وعان شىعۋعا مۇمكىندىگى جوقتار اراسى الشاقتاپ بارا جاتقانىن ايتتى. سول سەبەپتى دە ينتەرنەتكە قوسىلۋ ماسەلەسى كۇن وتكەن سايىن وزەكتىلىگىن ارتتىرىپ كەلەدى.

"بۇگىن الەمنىڭ جارىمى ونلايندا وتىر. قالعان جارىمى اۆتونومدى رەجيمدە قالماي، عالامتوردى قۇرۋعا ءوز ۇلەسىن قوسۋى ءتيىس", - دەپ ەسەپتەيدى بەرنەرس-لي.

تيم بەرنەرس-لي 30 جىل بۇرىن يادرولىق زەرتتەۋلەر جونىندەگى ەۋروپالىق ۇيىمنىڭ (CERN) عىلىمي قىزمەتكەرى بولدى. سول كەزدە ول ينستيتۋت ىشىندە اقپارات الماسۋدىڭ جاڭا قاعيداسىن ۇسىندى، سونىڭ نەگىزىندە ينتەرنەت پايدا بولدى.

Abai.kz

0 پىكىر