سەيسەنبى, 17 قىركۇيەك 2019
46 - ءسوز 908 2 پىكىر 13 ناۋرىز, 2019 ساعات 13:46

ۇلتتىق مىنەزدى سوتسيۋم قالىپتاستىرادى...

دۇنيەدە قازاقتىڭ سانى 18 ملن-عا جەتەر-جەتپەس.
وكىنىشكە وراي، ءبىز ازبىز.
كەڭەس وكىمەتىنىڭ وزبىر ساياساتىنىڭ ارقاسىندا كەمىپ قالدىق.
ەگەر اشتىق، رەپرەسسيا بولماعاندا قازاقتىڭ سانى 50 - ملن بولۋى شارت ەدى...
50-ملن حالقى بار مەملەكەت، قانداي دا بولماسىن سىرتقى كۇشتەرگە قارسىلىق كورسەتە الادى.

وسى از كۇيىمىزبەن ىشكى بىرلىگىمىز تاپشى.
ءبىر-بىرىمىزگە كىنامشىلمىز.
ءبىر-بىرىنە ايدار تاققاندا الەمدە ءبىرىنشى ورىنعا شىعاتىن شىعارمىز.
ىشكى شىرقىمىزدى بۇزۋ وپ-وڭاي بولىپ شىقتى.
ءبىر قۇمالاق كەلىپ، بۇلدىرە سالادى ەكەن.
بۇل ۇلتتىق پسيحولوگياعا بيلىكتىڭ قاتىسى جوق.
قازاقتىڭ ءوز "سالت-ءداستۇرى".
"بولىنگەندى ءبورى جەيدى", بۇنى ءبارى بىلەدى.
بىراق، كىنا تاعامىز، وزىمىزگە.
مەملەكەتكە دە كىنا تاققىمىز كەلەدى.
ۇلتتىق مىنەزدى سوتسيۋم قالىپتاستىرادى.
بيلىكتىڭ ارينە ءوز كەمشىلىكتەرى جەتكىلىكتى.
دەگەنمەن، ۇلتتىڭ اۋىزبىرلىگى، ول قوعامنىڭ جۇمىسى.
جازعىرۋ، وكپەلەۋ، ايدار تاعۋ، سپورت ءتارىزدى.
رۋحاني مادەنيەتتى باسقا دەڭگەيگە كوتەرىپ، ساياسي ۇلت بيىكتىگىنە شىعۋ شارت.
ونسىز ۇلت بولمايمىز.

قازاق ءبىر-ءبىرىن ءتۇسىنىپ، ءسۇيسىنىپ، ءبىرىنىڭ قاتەسىن كەشىرە بىلگەن كەزدە عانا، زاماننىڭ قاۋىپ-قاتەرىنە جاۋاپ بەرە الاتىن حالىققا اينالادى.
بۇل قوعامنىڭ ەڭ نەگىزگى بورىشى، جۇمىسى، اتقاراتىن ميسسياسى.
باسقا ۇلتتى قويىپ، ءوزىمىز كۆارتيرالارعا ءبولىنىپ كەتپەيىك...
قازاق اقجارقىن، كەڭپەيىل، باۋىرىنا ىستىق كوڭىلمەن قارايدى، كورشىسىمەن سىپايى.
بۇل ءبىزدىڭ وبراز.
وتە جاقسى، كەرەمەت بەينەمىز.
سول وبراز الىستاڭقىراپ، كولەڭكەلەنىپ بارا جاتىر...

ەرلان سايروۆتىڭ facebook پاراقشاسىنان

Abai.kz

2 پىكىر