مەملەكەت باسشىسى نۇرسۇلتان نازارباەۆ بىرىككەن اراب امىرلىكتەرىنە جۇمىس ساپارى بارىسىندا ابۋ-ءدابيدىڭ تاق مۇراگەرى، بىرىككەن اراب امىرلىكتەرىنىڭ قارۋلى كۇشتەرى جوعارعى باس قولباسشىسىنىڭ ورىنباسارى شەيح مۇحاممەد بەن زايد ءال ناھاياننىڭ شاقىرۋىمەن «Zayed Sports City» ستاديونىندا وتكەن دۇنيەجۇزىلىك ارنايى وليمپيادا ويىندارىنىڭ سالتاناتتى اشىلۋ راسىمىنە قاتىستى، دەپ جازادى اقوردانىڭ رەسمي سايتى.

بيىلعى 14-21 ناۋرىز ارالىعىندا ابۋ-دابي قالاسىندا وتەتىن ارنايى وليمپيادا ويىندارى – تاياۋ شىعىس جانە سولتۇستىك افريكا ەلدەرىنىڭ تاريحىنداعى العاشقى سپورت سايىسى. بۇل شاراعا الەمنىڭ 170-تەن استام ەلىنەن سپورتتىڭ 24 ءتۇرى بويىنشا سايىسقا تۇسەتىن 7500-دەن اسا سپورتشى قاتىسۋدا. قازاقستاننان ۇستەل تەننيسى، تەننيس، دزيۋدو، سۋدا ءجۇزۋ، پاۋەرليفتينگ، جەڭىل اتلەتيكا، ۆولەيبول، باسكەتبول، شاعىن فۋتبول، گولف، بوچچە، گيمناستيكا، بوۋلينگ، روليكپەن جۇگىرۋ جانە بادمينتون سياقتى سپورتتىڭ 15 ءتۇرى بويىنشا 67 سپورتشى جارىسقا تۇسەدى.

Abai.kz