جۇك كولىكتەرىنىڭ قوجايىندارىنىڭ بارلىعى تۇركىمەنستان ازاماتتارى، ولاردىڭ التاۋى ەتنيكالىق قازاق، ەكەۋى تۇركىمەن ەكەنى انىقتالدى. بارلىعى توعىز كۇننەن بەرى كيونەۋرگەنچ ەتراپى پوليتسيا ءبولىمىنىڭ اباقتىسىندا وتىر. 5 ناۋرىزدا ۇستالعان سەگىز ادامعا ءتۇستى مەتالدى كونتراباندالىق جولمەن تاسىدى دەگەن ايىپ تاعىلعان. بۇل تۋرالى ازاتلىك راديوسىنىڭ تۇركىمەنستانداعى ءتىلشىسى حابارلادى.

ونىڭ ايتۋىنشا، ۇستالعاندار تۇركىمەن-وزبەك شەكاراسىنان ءوتىپ، ءارى قاراي قازاقستانعا جول جۇرمەك بولعان. "اۆتوكولىككە تيەلگەن جۇك دەكلاراتسيالانعان", - دەپ حابارلادى ءتىلشى.

"ولار قازاقستانعا ۆيزا الا الماعان، سول سەبەپتى وزبەكستان ارقىلى وتپەك بولعان". ءتىلشى مالىمەتىنە قاراعاندا، كۇدىكتىلەر ءتۇستى مەتالدى قازاقستاندا ازىق-تۇلىك پەن باسقا دا تاۋارلارعا ايىرباستاپ، تۇركىمەنستانعا ورالۋدى كوزدەگەن.

Abai.kz