مەملەكەت باسشىسى نۇرسۇلتان نازارباەۆ رەسپۋبليكالىق تەلەارنالار ارقىلى قازاقستان حالقىنا ارنالعان مالىمدەمەسىندە پرەزيدەنتتىك وكىلەتتىگىن توقتاتاتىنىن جاريالادى.

ءارى مەملەكەت باسشىسىنىڭ قىزمەتىن اتقارۋشى بولىپ - قر پارلامەنتى سەناتىنىڭ توراعاسى قاسىم-جومارت توقاەۆ بەكىتىلدى. نازارباەۆ ءوز سوزىندە قاسىم-جومارت كەمەلۇلى قازاقستاندى باسقارۋعا لايىق تۇلعا ەكەنىن ايتتى.

ايتا كەتەرلىگى، ەلباسى ەلەۋلى وكىلەتتىگى بار قاۋىپسىزدىك كەڭەسىنىڭ توراعاسى قىزمەتىندە قالا بەرەتىنىن مالىمدەدى.

- حالقىمىزدىڭ قامى - مەنىڭ مۇددەم بولىپ قالا بەرەدى. تاۋەلسىز قازاقستان مەملەكەتىنىڭ نەگىزىن قالاۋشى رەتىندەگى الداعى مەنىڭ مىندەتىم - باسشىلاردىڭ جاڭا بۋىنىنىڭ بيلىككە كەلۋىن قامتاماسىز ەتۋ. ولار ەلىمىزدە جاڭعىرتۋ پروتسەستەرىن جالعاستىراتىن بولادى، - دەدى پرەزيدەنت قازاقستان حالقىنا ارنالعان مالىمدەمەسىندە.

Abai.kz