Economist جىل سايىن Worldwide Cost of Living ەسەبىن جاريالاپ، الەمنىڭ ەڭ ءىرى قالالارىنداعى ءومىر ءسۇرۋ قۇنىن انىقتاپ تۇرادى. مۇندا ادامداردىڭ ءبىر ايلىقتى باسپانانى جالعا الۋ، كولىك، ازىق-تۇلىك، جانە قاجەتتى تاۋارلارعا قالاي جاراتاتىنى ەسەپكە الىنادى.

الماتى مەن تاشكەنت بيىل بانگالور ء(ۇندىستان), داماسك (سيريا) جانە كاراكاس (ۆەنەسۋەلا) قالالارىمەن بىرگە ءتىزىمنىڭ سوڭعى جاعىنان ورىن الدى. ەconomist ەسەبى بويىنشا، الماتى مەن تاشكەنتتە اقش-تىڭ نيۋ-يورك قالاسىمەن سالىستىرعاندا ەكى ەسە ارزانعا ءومىر سۇرۋگە بولادى.

قازاقستاندا ءومىر ءسۇرۋ قۇنىنىڭ ارزانداۋىن بايانداما اۆتورلارى ۇلتتىق ۆاليۋتانىڭ دەۆالۆاتسياسىمەن تۇسىندىرگەن. بيلىك تەڭگە باعامىن ءبىر دەڭگەيدە ۇستاپ تۇرۋدان 2015 جىلى باس تارتقان. سوڭعى ءبىر جىلدا قازاقستان ۆاليۋتاسى دوللار، ەۆرو جانە باسقا دا قۇنى جوعارى ۆاليۋتالاردىڭ قاسىندا شامامەن 50 پايىزعا ارزاندادى.

Economist ەسەبى بويىنشا، ورتاشا ەسەپپەن العاندا الماتىدا ناننىڭ ءبىر كەلىسى قازىر 1 دوللار تۇرادى، ياعني سەۋلدەن 15 ەسە، پاريج نەمەسە جەنەۆادان التى ەسە ارزان. الماتىدا تەمەكىنىڭ ءبىر قورابىن ءبىر دوللاردان ءسال قىمباتىراق باعاعا ساتىپ الۋعا بولادى، ال پاريجدە ونىڭ باعاسى ون ەسەگە، سيدنەيدە جيىرما ەسەگە قىمبات. جانارماي باعاسى قازاقستاننىڭ ەڭ ءىرى قالاسىندا 0,5 دوللار تۇرادى، باتىس ەۋروپا قالالارىندا ونىڭ باعاسى ءۇش ەسەگە قىمبات.

تاشكەنت ءبىر جىلدا ەڭ قاتتى ارزانداعان قالالار ساناتىنان تابىلدى. مۇندا ءومىر ءسۇرۋ قۇنى 14 پايىزعا تومەندەگەن. كاراكاس پەن داماسك قالالارداعى ءومىر ءسۇرۋ قۇنى تاشكەنتتەن دە تومەندەپ كەتكەن.

ال رەسەيدىڭ ماسكەۋ جانە سانكت-پەتەربۋرگ قالالاى، ۋكراينا استاناسى كيەۆ، چەحيا استاناسى پراگا جانە يسپانيا استاناسى مادريد قىمباتتاي تۇسكەن. ماسكەۋ مەن پەتەربۋرگتە ءومىر ءسۇرۋ قۇنىنىڭ كوتەرىلۋىن Economist ساراپشىلارى ءرۋبلدىڭ نىعايۋىمەن تۇسىندىرگەن.

الەمدەگى ەڭ قىمبات قالالار رەتىندە سينگاپۋر، گونكونگ جانە پاريج، تسيۋريح جانە جەنەۆا، نورۆەگيا استاناسى وسلو، سەۋل، دانيا استاناسى كوپەنگاگەن، تەل-اۆيۆ جانە سيدنەي اتالدى.

Abai.kz