قازاقستان رەسپۋبليكاسى كاسىپوداقتار فەدەراتسياسى ەلباسىمىزدىڭ قازاقستان رەسپۋبليكاسى پرەزيدەنتتىك وكىلەتتىگىن توقتاتۋ تۋرالى شەشىمىن زور وكىنىشپەن قابىلدادى.

سوڭعى ءۇش ونجىلدىقتا ءبىز ۇلت كوشباسشىسى نۇرسۇلتان نازارباەۆتىڭ  باسشىلىعىمەن تالاي شارىقتاۋلار مەن قۇلدىراۋلاردى باستان كەشىردىك، قيىن كەزەڭدەرگە «ءبىر جاعادان باس، بىر جەڭنەن قول شىعارىپ» بىرگە توتەپ بەردىك جانە ەلەۋلى دە مەرەيلى جەڭىستەرىمىزدىڭ كۋاسى بولدىق. مىقتى دا تاۋەلسىز قازاقستاننىڭ قالىپتاسۋى مەن دامۋىنا دەگەن نىق سەنىم مەن ورتاقتاستىق سەزىمى سەنىمدى سەرىگىمىز بولدى. ءبىز ءوز باعدارىمىزدان ەشقاشان باس تارتپادىق، سەبەبى،  ۇلت كوشباسشىسىنا، ونىڭ  دانالىعىنا سەنىمىمىز مول بولدى.

اۋقىمدى وزگەرىستەر مەن وقيعالارعا باستاماشىلىق ەتكەن بىرقاتار كوشباسشىلاردىڭ تاريحتا ورنى بار. نۇرسۇلتان نازارباەۆ مەملەكەتتىڭ يادرولىق قارۋدان ءوز ەركىمەن باس تارتا الاتىنىن دۇنيە جۇزىنە تۇڭعىش رەت كورسەتتى.

ءبىزدىڭ تاۋەلسىز ەلىمىزدىڭ تۇڭعىش پرەزيدەنتى ستراتەگيا مەن ەكونوميكالىق باعدارلامالاردى نەگىزگە الا وتىرىپ، ەڭ اۋقىمدى يمپەريانىڭ قۇرامىنان شىعىپ، تابىستى مەملەكەت قۇرۋعا بولاتىنىن دالەلدەدى.

تۇڭعىش ەلباسىنىڭ كورەگەندىگىنىڭ ارقاسىندا ءبىز الەم بويىنشا ورتالىق ازيا قاۋىپسىزدىگىنىڭ كەپىلى بولدىق.

ارقا توسىندە ىرگەسىن قالاعان ەلوردامىز ىڭعايلىلىق پەن الەۋمەتتىك قاۋىپسىزدىك جاعىنان دۇنيەجۇزى بويىنشا ۇزدىك قالالارمەن باسەكەگە تۇسە الادى.

ول  تۇڭعىش رەت مەملەكەتتىڭ قالىپتاسۋىندا ءار ازاماتتىڭ قوسقان ۇلەسىن  باعالادى جانە ونىڭ دانالىعىنا سەنىم بىلدىرگەن دۇنيەجۇزىنىڭ ميلليونداعان قازاقتارى وزدەرىنىڭ تۋعان وتانىنا قايتىپ ورالدى.

ءبىزدىڭ ورتاق ۇيىمىزدە ادامدار ۇلتى نەمەسە ۇستانعان ءدىنى بويىنشا قانداي دا ءبىر ارازدىققا بارعان جوق، ءبىز بولاشاققا نىق سەنىممەن قاراي بىلدىك.

قازاقستاننىڭ ەڭبەك ادامدارى ەلباسىنىڭ قامقورلىعى مەن قۇرمەتىن، ءوز سوزىنە دەگەن بەرىكتىگى مەن ءوز حالقىنا دەگەن ماحابباتىن ارقاشان سەزىنە ءبىلدى.

تاعىلىمدى تاريح نۇرسۇلتان نازارباەۆتىڭ ەل يگىلىگىنە سىڭىرگەن ەڭبەگىنە ءالى دە ءوز باعاسىن بەرە جاتار، ال بۇگىن ءبىز قازاقستان رەسپۋبليكاسى كاسىپوداقتار فەدەراتسياسىنىڭ 2 ميلليوننان استام مۇشەسىنىڭ اتىنان «سىزگە مىڭ العىس، ءبىزدىڭ ەلباسى!»، – دەگىمىز كەلەدى.

قازاقستان رەسپۋبليكاسى كاسىپوداقتار فەدەراتسياسى

Abai.kz