«Nur Otan» پارتياسى توراعاسىنىڭ ءبىرىنشى ورىنباسارى ماۋلەن اشىمباەۆ نۇرسۇلتان نازارباەۆتىڭ قازاقستان رەسپۋبليكاسىنىڭ پرەزيدەنتى رەتىندەگى وكىلەتتىگىن توقتاتۋ جونىندەگى شەشىمىنە قاتىستى پىكىر ءبىلدىردى. بۇل تۋرالى ول ءوزىنىڭ Facebook-تەگى پاراقشاسىندا جازدى.

«بارلىق قازاقستاندىقتار سياقتى ەكىۇداي سەزىمدە وتىرعانىمدى جاسىرمايمىن. ءبىر جاعىنان، قازاقستاننىڭ تۇڭعىش پرەزيدەنتى ءوزىنىڭ قازاقستان رەسپۋبليكاسىنىڭ پرەزيدەنتى رەتىندەگى وكىلەتتىگىن توقتاتقانى وكىنىشتى. ەكىنشى جاعىنان، ەلباسىنىڭ ەرلىگى مەن اقىلى قۇرمەت تۇتۋعا ابدەن لايىق.

ءبارىمىز بۇل شەشىمنىڭ اياقاستى قابىلدانباعانىن بىلەمىز. نۇرسۇلتان ءابىشۇلىنىڭ بۇل قادامدى قانشا ساعات، نەشە كۇن ويلانىپ جاساعانىن تەك ويمەن شامالاۋعا بولادى. بىراق ەلباسى مەملەكەت پەن حالىق مۇددەسى ءۇشىن ءاردايىم دۇرىس شەشىمدەر قابىلداپ كەلگەنى بەلگىلى. سوندىقتان ءبارىمىز بۇل شەشىمگە قۇرمەتپەن قاراپ، تۇڭعىش پرەزيدەنت ساياساتىنىڭ جالعاسۋى ءۇشىن قولدان كەلگەنىن ءبارىن جاساۋىمىز كەرەك. بۇل – قازاقستاندىقتاردىڭ تۇڭعىش پرەزيدەنتتىڭ تۇلعاسى مەن قىزمەتىنە كورسەتكەن قۇرمەتى بولادى.

ەلباسى قاۋىپسىزدىك كەڭەسىنىڭ توراعاسى، «Nur Otan» پارتياسىنىڭ توراعاسى، كونستيتۋتسيالىق كەڭەستىڭ مۇشەسى رەتىندە ەلدىڭ دامۋىنداعى ماڭىزدى ءرولىن ساقتاپ قالادى.

نۇرسۇلتان ءابىشۇلى نازارباەۆ ەلباسى، ۇلت كوشباسشىسى بولىپ قالا بەرەدى. ول – تاۋەلسىز قازاقستاننىڭ نەگىزىن قالاۋشى، ەل ىشىندە جانە الەم ساحناسىندا بەدەلى جوعارى ساياساتكەر. كەڭەس وداعىنان كەيىن قارقىندى دامۋ دەڭگەيىندەگى ەكونوميكاسى بار تۇراقتى جانە الەۋمەتتىك مەملەكەت قۇرعان تۇلعا.

قازاقستاننىڭ تۇڭعىش پرەزيدەنتىنىڭ جىگەرى مەن باتىل شەشىمدەر قابىلداۋ قابىلەتىنىڭ ارقاسىندا ەلىمىز تاۋەلسىز مەملەكەت بولىپ قالىپتاستى. حالقىمىز ەلباسىنىڭ باسشىلىعىمەن 90-جىلدارداعى ستاگناتسيا مەن ساياسي كوللاپستى جەڭدى. ەلباسىنىڭ ەڭبەكقورلىعى مەن باتىلدىعى ەڭ قيىن سىناقتاردى، الەمدىك ساياسي جانە قارجىلىق داعدارىستاردى ەڭسەرۋگە كومەكتەستى. وتىز جىل ىشىندە نۇرسۇلتان نازارباەۆ الەم كارتاسىندا جاڭا ءارى زاماناۋي مەملەكەت قۇردى.

قازاقستان ارقاشان تۇراقتىلىق پەن سەنىمدى دامۋدىڭ ۇلگىسى بولدى. ەلباسى بەيبىتشىلىك پەن ۇلتارالىق كەلىسىم ستراتەگياسىن قۇرىپ، جۇزەگە اسىردى. قازاقستانداعى كونفەسسياارالىق ديالوگ پەن تولەرانتتىلىق مودەلى كوپ ەلگە ۇلگى كورسەتىپ وتىر.

ەلباسىنىڭ يادرولىق قارۋعا قارسى باستامالارى بۇكىل الەمدىك قاۋىمداستىقتىڭ قۇرمەتىنە بولەندى. نۇرسۇلتان نازارباەۆ يادرولىق قارۋدىڭ ەڭ ءىرى ارسەنالىنان باس تارتىپ، يادرولىق پوليگوندى ءوز ەركىمەن جاپقان ءبىرىنشى ساياساتكەر بولدى. قازاقستاننىڭ تۇڭعىش پرەزيدەنتىن الەمدە يادرولىق قارۋعا قارسى قوزعالىستىڭ كوشباسشىسى دەپ اتايدى.

قيىن جىلدارى تۇڭعىش پرەزيدەنت ساياساتىنىڭ ارقاسىندا ەل ەكونوميكاسىنا ميللياردتاعان دوللار ينۆەستيتسيالار قۇيىلىپ، ونداعان مىڭ جاڭا جۇمىس ورىندارى اشىلدى.

ەلباسى مەملەكەتتىڭ ودان ءارى دامۋىنا جاقسى نەگىز قالىپتاستىرىپ بەردى. ول – 2030 جىلعا دەيىنگى ستراتەگيانى مەرزىمىنەن بۇرىن ورىنداپ، الەمنىڭ باسەكەگە قابىلەتتى 50 ەلىنىڭ قاتارىنا كىرۋگە مۇمكىندىك بەرگەن قازاقستاندىق ەكونوميكالىق مودەلدىڭ اۆتورى.

قازاقستاندىقتاردىڭ ءال-اۋقاتىنىڭ ءوسۋى – ەلباسىنىڭ تاعى ءبىر ماڭىزدى جەتىستىگى. تۇڭعىش پرەزيدەنت حالىقتىڭ ءومىر ساپاسىن ارتتىرۋعا، جاستاردى جانە كوپ بالالى وتباسىلاردى قولداۋعا، ءبىلىم بەرۋ مەن دەنساۋلىق ساقتاۋ سالاسىن دامىتۋعا ەرەكشە كوڭىل ءبولدى. مىڭداعان جاستىڭ «بولاشاق» باعدارلاماسىمەن شەتەلدە ۇزدىك ءبىلىم الۋى – ەلباسىنىڭ زاماناۋي قازاقستاندى قالىپتاستىرۋعا قوسقان ولشەۋسىز ۇلەسى.

جاڭا ۇرپاق تۇڭعىش پرەزيدەنتكە بەيبىتشىلىك پەن كەلىسىم، ەكونوميكالىق ءوسىم مەن ساياسي تۇراقتىلىق، قۋاتتى مەملەكەتتە ءومىر ءسۇرۋ مەن دامۋعا بەرىلگەن مۇمكىندىك ءۇشىن العىس ايتارى انىق.

ەلباسىنىڭ جاستارعا «تاۋەلسىز قازاقستاندى – ءبىزدىڭ ورتاق وتانىمىزدى ساقتاڭىزدار. ماڭگىلىك ەل – ءبىزدىڭ حالقىمىز بەن اتا-بابالارىمىزدىڭ جەرى. ءبىزدىڭ ءبىر وتانىمىز بەن ءبىر جەرىمىز بار. حالقىمىزدىڭ بىرلىگى مەن دوستىعىن، ەلدىڭ كەز كەلگەن ازاماتىنىڭ مادەنيەتى مەن داستۇرىنە قۇرمەتتى ساقتاڭىزدار»، دەگەنى ۇلكەن جاۋاپكەرشىلىك جۇكتەيدى.

قازاقستان ءۇشىن ماڭىزدى تاريحي كەزەڭدە حالقىمىز بىرلىك پەن جالپىحالىقتىق كوشباسشىنىڭ باعىت-باعدارىنا قولداۋ تانىتۋى كەرەك. الدىمىزدا ەلىمىزدىڭ دامۋى مەن ازاماتتارىمىزدىڭ ءومىر ساپاسىن ارتتىرۋعا باعىتتالعان كوپ مىندەت تۇر.

بارلىق قازاقستاندىقتاردى ءبىر كىسىدەي جۇمىلىپ، قوعامدىق كەلىسىمدى ساقتاۋعا شاقىرامىز. بۇل كەزەڭنەن بىرگە ءوتىپ، سوزىمىزبەن جانە ىسىمىزبەن ەلباسىنىڭ ساياساتىنا تولىقتاي قولداۋ ءبىلدىرۋىمىز قاجەت. ورتاق وتانىمىز – قازاقستان رەسپۋبليكاسىنىڭ ودان ءارى دامۋى مەن گۇلدەنۋى بارىمىزگە بايلانىستى، – دەلىنگەن جازبادا.

Abai.kz