جۇما, 29 ناۋرىز 2024
3149 2 پىكىر 21 ناۋرىز, 2019 ساعات 10:29

سيريانىڭ شىعىسىندا "يسلام مەملەكەتىنىڭ" سوڭعى بەكىنىسى قۇلادى

اقش قولداۋىنا يە سيريا وپپوزيتسياسىنىڭ كۇشتەرى ەلدىڭ شىعىسىنداعى باگحۋز ەلدى-مەكەنىن باسىپ الدى. مۇندا "يسلام مەملەكەتى" تەرروريستىك توبىنىڭ سودىرلارى بەكىنگەن. جۇزدەگەن سودىر تۇتقىندالدى.

سيريا دەموكراتيالىق كۇشتەرىنىڭ ءباسپاسوز حاتشىسى مۇستافا ءباليدىڭ ايتۋىنشا، باكحۋز بەكىنىسىن باسىپ الۋ - ۇلكەن قادام، بىراق ەكسترەميستەر تۇپكىلىكتى جەڭىلدى دەۋگە ءالى ەرتە. "يسلام مەملەكەتى" ەۆفرات وزەنىنىڭ بويىندا شاعىن جەردى باقىلاۋدا ۇستاپ وتىر. بۇعان قوسا، سودىرلاردان بوساتىلعان ايماقتاردا جاسىرىن توپتار قالعان، ولار بولاشاقتا قاۋىپ ءتوندىرۋى مۇمكىن.

باگحۋز بەكىنىسى قايتارىلعان سوڭ، ءوزىن "حاليفات" دەپ جاريالاپ، سيريا مەن يراكتىڭ ۇلكەن بولىگىن جاۋلاپ العان تەرروريستىك توپ كۇيرەدى. ءتورت جىل بويى اقش قولداۋىنا يە بۇلىكشىلەر توبى "حاليفاتتى" جويۋ ءۇشىن كۇرەستى.

مۇستافا ءباليدىڭ مالىمدەۋىنشە، تۇتقىندار اراسىندا بيىل قاڭتاردا سيريانىڭ سولتۇستىگىندە تەراكت جاساعان كۇدىكتىلەر بار. تەراكتىدەن 16 ادام قازا تاپقان ەدى.

Wall Street Journal گازەتىنىڭ مالىمەتى بويىنشا، اقش سيريادا 1000 ساربازىن قالدىرۋدى كوزدەپ وتىر. دەگەنمەن جوعارى لاۋازىمدى امەريكالىق گەنەرال گازەت مالىمەتىن جوققا شىعاردى. ءۇش اي بۇرىن اقش پرەزيدەنتى دونالد ترامپ سيرياداعى جاۋىنگەرلەردىڭ بارلىعى ەلگە قايتاتىنىن مالىمدەگەن. كەيىن اقپارات قۇرالدارى اق ءۇيدىڭ سيريادا 200-400 سارباز قالدىرۋى مۇمكىن ەكەندىگىن جازدى.

Abai.kz

2 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1578
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2273
عيبىرات

قايسار رۋحتى عازيز جان

مۇحتار قۇل-مۇحاممەد 3590