سەيسەنبى, 21 قىركۇيەك 2021
كۇبىرتكە 5085 12 پىكىر 21 ناۋرىز, 2019 ساعات 10:43

كونستانتين ششەمەلينين: «سولتۇستىك قازاقستان دنر كەبىن كيەدى»

ەلباسىنىڭ پرەزيدەنتتىك قىزمەتتەن كەتۋى ورىس ۇلتشىلدارىنا «قازاقستان ۋكراينا جولىن قايتالاي ما؟» دەگىزىپ ءتۇرلى جورامال جاساۋىنا تۇرتكى بولۋدا. ماسەلەن رف «ۆەك» ەلەكتروندى گازەتىنە  ەكسكليۋزيۆتى تۇسىنىكتەمە بەرگەن رەسەي جازۋشىسى، عالىم ءارى ساياسي ساراپشى كونستانتين ششەمەلينين «سولتۇستىك قازاقستان دنر كەبىن كيەدى» دەگەن بايلام جاسادى.

نازارباەۆتان كەيىنگى قازاق ەلى تۋراسىندا بارلىعى دا ءبىرىنىڭ اۋزىنا ءبىرى تۇكىرىپ قويعانداي ۇلتشىلدىق ءۇردىستىڭ كۇش الىپ، ورىس ىقپالىنىڭ ازايۋىن ايتىپ زارلاۋعا كىرىستى.

جاڭا قازاقستان بۇرىنعىداي ءدايىم دەرلىك رەسەي ىعىنا جىعىلماي، جالپاق شەشەيلىككە سيرەك باراتىن بولاتىنىن مويىنداپ، بىزدەگى ورىستار اراسىندا ۇلتتىق يدەيا جوقتىعىن العا تارتادى. تەك ەلىمىزدىڭ ورىستار وشارىلا قونىستانعان وڭىرلەرىندە ۇلتتىق يدەيا بوي كورسەتسە، كەي جەرلەر بىزگە ءوز ەركىمەن قوسىلادى دەپ ەسەكدامە جاساۋدا.

قازاقتىڭ باسىندا ەركىندىك جوق ءبارىن ماسكەۋ، ۆاشينگتون جانە بەجىڭ شەشەدى دەيدى كونستانتين ششەمەلينين. وسىلايشا سولتۇستىكتەگى كورشىمىزدىڭ مىسىق تىلەۋ ساياساتكەرلەرى سىرتتاي تون پىشۋگە كوشتى.

ءابىل-سەرىك الياكپار

Abai.kz

12 پىكىر