استانانىڭ اتاۋىن وزگەرتۋ پروتسەدۋراسى تولىقتاي كونستيتۋتسيا تالاپتارىنا ساي جۇزەگە اسىرىلدى، دەپ حابارلايدى قر ادىلەت مينيسترلىگى.

مينيسترلىك تاراتقان مالىمەتكە قاراعاندا قازاقستاننىڭ ەلورداسى استانا.

بۇل قر كونستيتۋتسياسىنىڭ 2-ءشى بابىندا انىق كورسەتىلگەن. كونستيتۋتسياعا تۇزەتۋلەردى پارلامەنت اتا زاڭنىڭ 53-ءشى بابى نەگىزىندە ەنگىزە الادى. بۇل پروتسەس ەل پرەزيدەنتىنىڭ پارلامەنت پالاتالارىنىڭ بىرلەسكەن وتىرىسىندا جۇزەگە اسىرىلادى.

الايدا كونستيتۋتسيادا حالىق سايلاعان پرەزيدەنتتىڭ مەرزىمىنەن بۇرىن وكىلەتتىگىن توقتاتقاننان كەيىن، وسى وكىلەتتىكتى قابىلداعان تۇلعانىڭ كونستيتۋتسياعا وزگەرىس ەنگىزۋگە قۇقى جوق ەكەندىگى (48 باپ) ايتىلعان.

دەگەنمەن، كونستيتۋتسياعا تۇزەتۋلەردى رەسپۋبليكالىق رەفەرەندۋمدا ەنگىزۋگە بولادى (91 باپ). رەفەرەندۋم وتكىزۋ تۋرالى ۇسىنىستى پارلامەنت نەمەسە ۇكىمەت ەنگىزەدى. رەفەرەندۋمدى وتكىزۋ نەمەسە وتكىزبەۋ تۋرالى شەشىمدى پرەزيدەنت قابىلدايدى.

بىراق، پرەزيدەنت پارلامەنتتىڭ قاراۋىنا ەنگىزەتىن بولسا، كونستيتۋتسياعا ەنگىزىلەتىن وزگەرىستەر مەن تولىقتىرۋلاردىڭ جوباسى رەسپۋبليكالىق رەفەرەندۋمعا شىعارىلمايدى. بۇل جاعدايدا پارلامەنت شەشىمى كونستيتۋتسيانىڭ الدىندا ايتىلعان 53-ءشى بابتىڭ تالاپتارىنا سايكەس قابىلدانادى.

استانانىڭ اتاۋىن وزگەرتۋگە قاتىستى كونستيتۋتسياعا ەنگىزىلەتىن تۇزەتۋلەر وسى اتالعان پروتسەدۋراعا ساي جۇزەگە اسىرىلدى. ياعني، ول قر كونستيتۋتسياسىنىڭ تالاپتارىنا تولىقتاي ساي.

Abai.kz