14 ناۋرىزدا ەۋروپارلامەنت قازاقستانداعى ادام قۇقىقتارى ماسەلەسى تۋرالى رەزوليۋتسيا قابىلداعان. الگى قۇجاتتا ەۋروپارلامەنت قازاقستان بيلىگىن "ادام قۇقىقتارىن قۇرمەتتەپ، حالىقارالىق تالاپتاردى ورىنداۋعا، ساياسي قۋدالاۋلاردى توقتاتۋعا" شاقىرادى.
قارار قابىلدانعان سوڭ ەكى اپتادان كەيىن رەسمي پىكىر بىلدىرگەن سىرتقى ىستەر مينيسترلىگى "قازاقستانداعى شىنايى ساياسي جانە الەۋمەتتىك احۋال قانداي ەكەنىن وسىندا تانىسۋى ءۇشىن ەۋرودەپۋتاتتاردى ەلگە ءجيى شاقىرۋىمىز كەرەك ەكەن" دەپ جازادى.
"ەۋروپارلامەنتتىڭ جاڭا شاقىرىلىمداعى دەپۋتاتتارى قازاقستاننىڭ زاڭ شىعارۋشى ورگاندارمەن بەلسەندى تۇردە بايلانىپ، قۇجاتتاردى دايىنداۋعا مۇقيات قارايدى دەپ سەنەمىز" دەپ جازادى مينيسترلىك.
سىرتقى ىستەر مينيسترلىگى رەسمي جاۋابىندا "27-28 اقپاندا جەنەۆادا قازاقستاننىڭ ەكىنشى ۇلتتىق بايانداماسىن قورعاپ، قازاقستاندىق دەلەگاتسيا بىرىككەن ۇلتتار ۇيىمى كوميتەتىنىڭ مۇشەلەرىن ەلدە جۇرگىزىلىپ جاتقان رەفورمالارمەن تانىستىردى" دەپ جازادى.
مينيسترلىك "ساراپشىلار ءبىلىم بەرۋ جانە دەنساۋلىق ساقتاۋ، گەندەرلىك تەڭدىكتى ارتتىرۋ، سىبايلاس جەمقورلىققا قارسى كۇرەس، مۇگەدەكتەر جاعدايىن جاقسارتۋ سالاسىندا ىلگەرىلەۋ بارىن ايتتى" دەپ جازادى.
