20 ناۋرىز الماتىداعى قر ۇلتتىق كىتاپحاناسىندا قازاقتىڭ XX عاسىرداعى ۇلتازاتتىق كۇرەسى جەتەكشىلەرىنىڭ ءبىرى، ازاتتىق جولىندا شاھيت كەشكەن كوكجال وعلانى وسپان باتىر ءسىلامۇلىنىڭ (1899-1951) تۋعانىنا 120 جىل تولۋىنا ارنالعان ءباسپاسوز كونفەرەنتسياسى ءوتتى.

«ەر جانىبەك» حالىقارالىق قوعامدىق قورىنىڭ ۇيىمداستىرعان، وسپان باتىردىڭ 120 جىلدىق مەرەيتويىنىڭ باستالۋىنا ارنالعان جيىنعا تاريحشى-قالامگەرلەر، زيالى قاۋىم مەن ءباسپاسوز وكىلدەرى قاتىستى.

ءباسپاسوز جيىنىن ش. ءۋاليحانوۆ اتىنداعى تاريح جانە ەتنولوگيا ينستيتۋتىنىڭ ديرەكتورى زيابەك قابىلدينوۆ باستاپ اشتى. «ەر جانىبەك» حالىقارالىق قورىنىڭ پرەزيدەنتى جەڭىس تۇركيا قور اياسىندا جىل بويى ۇيىمداستىرىلاتىن شارالارمەن قىسقاشا تانىستىردى. اتالعان قور توراعاسىنىڭ ايتۋىنشا، وسپان باتىردىڭ 120 جىلدىعىنا وراي قازاقستاننان تىس تۇركيا، موڭعوليا، رەسەي، فرانتسيا جانە گەرمانيا ەلدەرىندە ءتۇرلى شارالار ۇيىمداستىرىلىپ، مەرەيتوي حالىقارالىق دەڭگەيدە اتالىپ وتىلەدى.

وسى جيىلىسپەن باستالعان بۇل شارا ءساۋىر ايىنان باستاپ جاس اقىندار  اراسىندا ءمۇشايرا، باق بويىنشا ۇزدىك جاريالانىمدار، قازاق كۇرەسىنەن رەسپۋبليكالىق تۋرنير، اقىندار ايتىسى، ۋنيۆەرسيتەتتەردە جاستارمەن كەزدەسۋ، باتىردىڭ كۇرەسكە تولى ءومىرى جايىندا ش.ش. ۋاليحاوۆ اتىنداعى تاريح جانە ەتنوگرافيا ينيستۋتىمەن بىرلەسىپ مونوگرافيا قۇراستىرۋ، شقو-دا اس بەرۋ، قازاقتار قونىستانعان ەۋروپا، ازيا ەلدەرىندە دە شارالار وتكىزۋ سياقتى يگى ىستەرمەن جالعاسىن تاپپاق.

اتالعان جينالىستا قازاقستان حالىق جازۋشىسى قابدەش ءجۇمادىلوۆ، اقىن جاركەن بودەش، تەمىرحان تەبەگەنوۆ، ارىستان قاجى شادەتۇلى، وركەن ءنابيۇلى (باتىردىڭ نەمەرەسى), ءجادي شاكەنۇلى، مۇرات شايماران قاتارلى جيىن قاتىسۋشىلارى وسپان باتىر جانە ونىڭ مەرەيتويىنا ارنالعان شارالار جونىندە ءوز ويلارىن ورتاعا سالدى.

- وسپان باتىردىڭ 120 جىلدىعىنا وراي وتكىزىلەتىن شارالاردا قازاق كۇرەسىنەن رەسپۋبليكالىق تۋرنير (29-30 ناۋرىز كۇندەرى);

- ءساۋىر ايىندا «سۇلۋبايدىڭ ءانى» اتتى تەاترلانعان قويىلىم مەن حالىقارالىق جىر ءمۇشايراسى جانە بۇقارالىق اقپارات قۇرالدارىنا ارنالعان بايگە جاريالانادى;

- بۇلارمەن قاتار تۇركيا ورتالىق قالاسى انكاراداعى ميمار سينان ۋنيۆەرسيتەتىندە وسپان باتىرعا ارنالعان عىلىمي تالقى وتىرىسى بولماق;

- مامىر ايىندا موڭعوليانىڭ بايانولگەي ايماعىندا اس بەرىلىپ، ارنايى جيىن وتكىزىلسە، ماۋسىمدا وسىعان ۇقساس شارا رەسەيدىڭ وبى قالاسىندا وتكىزىلمەك; ماۋسىم ايىندا ءداستۇرلى «Er Janibek Cup» شاعىن فۋتبولدان تۋرنير باتىردىڭ مەرەي تويىنا ارنالىپ، الەم قازاق جاستارى كوكشەتاۋدا باس قوسپاق;

- تامىز ايىندا شىعىس قازاقستان وبلىسىندا اس بەرىلىپ، اقپارات قۇرالدارىنا جاريالانعان بايكەنى قورىتىندىلاۋدى جوسپارلاعان;

- قىركۇيەك ايىندا وسپان باتىر تۋرالى مونوگرافيانىڭ تانىستىرىلىمى وتكىزىلەدى;
قازان ايىندا شقو-دا باتىر اتىنداعى مەشىتتىڭ اشىلۋ سالتى;

- قاراشا ايىندا استانا قالاسىندا «وسپان باتىردىڭ 120 جىلدىعىن» تاقىرىپ ەتكەن رەسپۋبليكالىق ايتىس وتپەك;

- جەلتوقسان ايىندا جالپى شارالاردىڭ قورىتىندىسى الماتىدا جاسالۋدى جوسپارلاعان;

وسپان باتىر ءسىلامۇلىنىڭ 120 جىلدىق مەرەيتويىنا وراي وتكىزىلەتىن شارالارعا «ەر جانىبەك» قورىمەن بىرگە، «وتانداستار» قورى، ش. ءۋاليحانوۆ اتىنداعى تاريح جانە ەتنولوگيا ينستيتۋتى، كوكشەتاۋ جانە شقو اكىمدىگى، وزگە دە باق وكىلدەرى مەن قوعامدىق ۇيىمدار قولداۋ كورسەتپەك.

Abai.kz