تەگىن ءدارى-دارمەكپەن قامتاماسىز ەتۋ ماسەلەلەرى جونىندەگى بايلانىس ورتالىعى 1439 قىسقا ءنومىرى بويىنشا قالالىق جانە دە ۇيالى تەلەفوندار ءۇشىن قولجەتىمدى بولدى.

بايلانىس ورتالىعىنىڭ وپەراتورلارى جۇگىنگەن پاتسيەنتتەرگە تەگىن بەرىلەتىن قاجەتتى ءدارى-دارمەكتەردى جەتكىزۋ مەرزىمى مەن كۇنى تۋرالى اقپارات بەرەدى. بايلانىس ورتالىعىنىڭ وپەراتورلارى ءاربىر شاعىمدى ەگجەي-تەگجەيلى تالدايدى، ءدارى-دارمەك الۋدا ىركىلىس سەبەپتەرىن انىقتايدى، ال بىرىڭعاي ديستريبيۋتوردىڭ وڭىرلىك وكىلدەرى مەديتسينالىق ۇيىمدارمەن بىرلەسىپ، دارىحانالارعا قاجەتتى پرەپاراتتاردى جەدەل جەتكىزۋدى ۇيىمداستىرادى.

«سق-فارماتسيا» جشس باسقارما توراعاسىنىڭ مىندەتىن اتقارۋشى بەرىك ءشارىپتىڭ ايتۋىنشا، بايلانىس ورتالىعى ىسكە قوسىلعان ساتتەن باستاپ 1439 قىسقا نومىرىنە 10 مىڭنان استام قوڭىراۋ كەلىپ ءتۇستى، ونىڭ ىشىندە اعىمداعى جىلدىڭ ءبىرىنشى توقسانىندا 5 مىڭنان استام قوڭىراۋ كەلىپ ءتۇستى.

«بايلانىس ورتالىعىنىڭ وپەراتورلارى ءدارى-دارمەكتەردىڭ ءتۇسۋ مەرزىمى تۋرالى اقپارات بەرىپ قانا قويماي، سونداي-اق، ءتىپتى ەگەر ەمحانانىڭ ءوزى قانداي دا ءبىر سەبەپپەن ءدارى-دارمەكتىڭ كولەمىنە تاپسىرىس بەرمەسە نەمەسە  جەتكىلىكسىز  تاپسىرىس بەرسە دە، ءوتىنىمدى قالىپتاستىرۋ جانە تەز ارادا جەتكىزۋدى ۇيىمداستىرۋ ماسەلەسىن شەشۋ ءۇشىن بىردەن ىركىلىستەر بايقالاتىن مەديتسينالىق ۇيىممەن بايلانىسادى»، - دەپ ءتۇسىندىردى بەرىك ءشارىپ.

بىرىڭعاي ديستريبيۋتور باسشىسىنىڭ ايتۋىنشا، ايماقتىق وكىلدەر ماسەلەنىڭ شەشىلگەنى تۋرالى بايلانىس ورتالىعىن حاباردار ەتكەننەن كەيىن جانە ءدارى-دارمەكپەن قامتاماسىز ەتۋدىڭ اقپاراتتىق جۇيەسىندە پرەپاراتتاردىڭ بوساتىلۋى كورسەتىلسە دە، بايلانىس ورتالىعىنىڭ وپەراتورلارى پاتسيەنتتىڭ ءدارى-دارمەكتى العانىن مونيتورينگ جاساۋ ءۇشىن  قايتادان بايلانىسادى.

«ءبىز ءۇشىن ءاربىر پرەپاراتتىڭ ءوز پاتسيەنتىنە جەتۋى جانە قازاقستاندىقتاردىڭ تمككك شەڭبەرىندە وزدەرىنە تيەسىلى بارلىق ءدارى-دارمەكتەرگە ەركىن قول جەتكىزۋى ماڭىزدى، سوندىقتان حالىقپەن كەرى بايلانىسقا كوپ كوڭىل بولەمىز»، - دەپ اتاپ ءوتتى بەرىك ءشارىپ.

Abai.kz