«يننوۆاتسيالىق تەحنولوگيالار پاركى» ارنايى ەكونوميكالىق ايماعىن ارالاۋ كەزىندە «KBTU Drilling Center» وقۋ-جاتتىعۋ ورتالىعى مەن مۇناي-گاز سالاسىنىڭ ماماندارى بىلىكتىلىگىن ارتتىراتىن قازاقستاندىق تەڭىز اكادەمياسىن بارىپ كوردى. اسقار مامين راديوەلەكترونيكا، ۇشقىشسىز باسقارىلاتىن ۇشۋ اپپاراتتارىن، كومپوزيت بۇيىمداردى، كۇن ەلەكتر ستانتسياسى نىسانىن شىعاراتىن «KazTechInnovations» جشس زاۋىتىنا باردى. «اقپاراتتىق تەحنولوگيالار پاركى» اەا اكىمشىلىك ورتالىعىندا ۇكىمەت باسشىسىنا وسى ايماق اۋماعىندا ورنالاسقان كاسىپورىنداردىڭ قىزمەتىنىڭ باعىتتارى تۋرالى باياندالدى.

رىسقۇلوۆ داڭعىلى مەن قۇلجا كۇرە جولى بويىنداعى جول ايرىعىن كورۋ كەزىندە قر پرەمەر-ءمينيسترى كولىك سحەماسىن دامىتۋ تۋرالى اقپاراتتى تىڭدادى، سونداي-اق، اباي داڭعىلى مەن ب. مومىشۇلى كوشەسىنىڭ قيىلىسىنىڭ ماڭىندا ورنالاسقان «دوستىق» مەتروسى بەكەتىنىڭ قۇرىلىسىن كوردى. ۇزىندىعى 3,1 كم «سارىارقا» جانە «دوستىق» مەتروسىنىڭ جاڭا بەكەتتەرى مەتروپوليتەندەگى جولاۋشىلار اعىنىن تاۋلىگىنە 46 مىڭ ادامنان 86 مىڭعا دەيىن ۇلعايتۋعا جول اشادى. قر پرەمەر-ءمينيسترى الماتىدا قوعامدىق كولىكتىڭ دامۋى مەن جەڭىل رەلستى كولىك (جرك) قۇرىلىسى جوبالارىن ىسكە اسىرۋ جونىندەگى باياندامالاردى تىڭدادى.

ا. مامين «قازجەڭىلونەركاسىپ-الماتى» جشس كيىم شىعارۋ فابريكاسىنا جانە قالانىڭ يندۋستريالىق ايماعىنىڭ بىرقاتار كاسىپورىندارىنا باردى. اتاپ ايتقاندا، Tokyo Rope Manufacturing كورپوراتسياسىنىڭ ينجەنەرلىك قورعانىس جۇيەلەرىن ءوندىرۋ زاۋىتىن كوردى، جەڭىل اۆتوكولىك وندىرەتىن «Hyndai Trans Kazakhstan» زاۋىتىنىڭ قۇرىلىس الاڭدارىندا بولدى، سونداي-اق ديامەترى 300 مم-دەن 900 مم-گە دەيىن ۇلكەن بولات دانەكەرلى قۇبىرلار ءوندىرىسى جولعا قويىلاتىن Asia Steel Pipe كاسىپورنىنا باردى. زاۋىت جىل سايىن مۇناي، گاز، سۋ جانە مۇناي ونىمدەرىن تاسىمالداۋ جانە تاۋ-كەن ءوندىرىسى، قۇرىلىس، حيميا ونەركاسىبى، ەنەرگەتيكا سالالارىندا پايدالانۋ ءۇشىن 100 مىڭ تونناعا دەيىن قۇبىر جەتكىزەتىن بولادى. جۇمىس ساپارى ەلەكتر اۆتوبۋستارىن قۇراستىراتىن «Falcon Eurobus» جشس زاۋىتىندا جالعاسىن تاپتى. مۇندا قر پرەمەر-مينيسترىنە ءۇشىنشى بۋىننىڭ ەلەكتر اۆتوبۋستارىنىڭ مودەلدەرى كورسەتىلدى.

الماتىدا قر پرەمەر-ءمينيسترى الماتى ءوڭىرىنىڭ تۋريستىك تاۋ كلاستەرىنىڭ پەرسپەكتيۆالىق نىساندارىن ۇشىپ ارالادى، سونىمەن قاتار ونى دامىتۋدىڭ وزەكتى ماسەلەلەرى جونىندە كەڭەس وتكىزدى. كەڭەس جۇمىسىنا الماتى قالاسى مەن الماتى وبلىسىنىڭ تۋريستىك بيزنەس-قاۋىم وكىلدەرى قاتىستى.

تۇپنۇسقا: primeminister.kz

Abai.kz