ەلىمىزدە ساياسي ترانزيت پروتسەسسى ءجۇرىپ جاتىر.
بۇگىندە، قازاقستاندى تاريحىمىزداعى ەكىنشى پرەزيدەنت باسقارىپ وتىر. بۇل، قوعامدىق دامۋداعى دۇرىس، ناقتى قادام، پروگرەسس.

دەگەنمەن، الدىمىزدا شىم-شىتىرىعى، شۇعىل بۇرىلىستارى مول، قۇبىلمالى قوعامدىق بەلەستەر كۇتىپ تۇرعانى انىق!

«سانانى تۇرمىس بيلەيدى». بۇگىنگى ءبىزدىڭ تۇرمىسىمىز قانداي؟
حالىق قالاي ءومىر ءسۇرىپ جاتىر؟ شىنى كەرەك، حالىقتىڭ تۇرمىسى وتە اۋىر!
جۇمىسسىز جاستار، ءۇي-كۇيسىز قازاق، ازاماتتاردىڭ الەۋمەتتىك دەڭگەيى وتە تومەن!  ەلىمىزدەگى ەڭ تومەن كۇن كورىس مولشەرى 29698 تەڭگە، ارمەنيا مەن مولدوۆادان دا تومەن!  500 مىڭنان استام ادام كەدەي!
ال كەدەيلىك دەڭگەيگە ءبىزدىڭ وكىمەت، «كۇنىنە ءبىر دوللار تاباتىن ادامدى جاتقىزادى». بىرىكەن ۇلتتار ۇيىمىنىڭ ستاندارتتارىنا سايكەس، «كەدەي دەگەنىمىز كۇنىنە 5-دوللار» تاباتىن ادامدار. ياعني، ءبىزدىڭ كەدەي «تاقىر كەدەي» دەگەن ءسوز!

ەكونوميكا دا وتە كۇردەلى حالدە!
- ەلىمىزدىڭ سىرتقى قارىزى 168 ملرد دوللاردان استى. وتكەن بيلىك، بۇگىنگى «نۇر-وتان» بيلىك پارتياسى «بىزدە ءبارى جاقسى» دەپ ۇرانداتىپ ءجۇر...
ەگەر، بىزدە بارلىعى جاقسى بولسا، نەگە وسىنشاما سوراقى؟؟؟
وسىناۋ ادىلەتسىزدىكتىڭ ءتۇپ تامىرى نەدە؟ ادىلەتسىزدىكتىڭ، تەڭسىزدىكتىڭ ەڭ نەگىزگى سەبەبى، 28-جىل ىشىندە، «تۇراقتىلىق قامتاماسسىز ەتەمىز» دەگەن سىلتاۋمەن، حالىق ساياسي پروتسەسستەردەن شەتتەتىلدى.

سونىڭ ارقاسىندا، پارلامەنت ازاماتتاردىڭ تىنىس-تىرشىلىگىن، بوستاندىعىن، ساياسي بەلسەندىلىگىن تارىلتىپ، شەكتەيتىن:
-«سايلاۋ» تۋرالى;
-«اقپارات تۋرالى»;
-«بەيبىت جينالىستار، ميتينگىلەر، شەرۋلەر» تۋرالى زاڭدارعا وزگەرىستەر ەڭگىزۋ ارقىلى حالىقتى، قوعامدى بيلىك كوزىنەن شەكتەپ قويدى!
وسىناۋ جاسالعان قادامداردى، وتكەن بيلىك «ەلىمىزدەگى ساياسي تۇراقتىلىقتى ساقتاۋدىڭ ءادىسى» دەپ كورسەتۋگە تىرىستى.

جاڭا بيلىكتىڭ جاڭا قادامى، دەموكراتيالىق ءۇردىستىردى قالىپقا كەلتىرۋى كەرەك. ياعني، حالىقتىڭ بيلىگى حالىققا قايتۋى ءتيىس.  ەلىمىزدىڭ اتا-زاڭى كونستيتۋتسيانىڭ 3-بابىنىڭ 1-پۋنكتىندە «مەملەكەتتىك بيلىكتىڭ بىردەن-ءبىر باستاۋى-حالىق» دەپ جازىلعان.
«كونستيتۋتسيا ەڭ جوعارعى كۇشى بار زاڭ. رەسپۋبليكانىڭ بۇكىل اۋماعىندا تىكەلەي قولدانىلادى». ياعني، قوعامدىق پروتسەسستەرگە تىكەلەي قاتىسى بار زاڭدار كونستيتۋتسياعا سايكەستەنۋى قاجەت.

ساياسي "كۇن ءتارتىبىنىڭ" نەگىزگى ماسەلەسى وسى.

ەرلان سايروۆتىڭ facebook پاراقشاسىنان

Abai.kz