پارلامەنت سەناتىنىڭ توراعاسى داريعا نازارباەۆا قىتاي حالىق رەسپۋبليكاسىنىڭ قازاقستانداعى ەلشىسى چجان سياونى ونىڭ ءوتىنىشى بويىنشا قابىلدادى.

سەنات توراعاسى كەزدەسۋدى اشا كەلىپ قىتايمەن ستراتەگيالىق جان-جاقتى ارىپتەستىك قارىم-قاتىناستىڭ ەرەكشە ماڭىزىن اتاپ ءوتتى. «قازاقستان ەلباسى ن.نازارباەۆ پەن قحر توراعاسى سي ءتسزينپيننىڭ جوعارى دەڭگەيدەگى دوستىق، تاتۋ كورشىلىك جانە ءوزارا تۇسىنىستىك نەگىزىندەگى كەلىسىمدەرىن جۇزەگە اسىرۋدى جالعاستىرۋعا نيەتتى. ستراتەگيالىق جان-جاقتى ارىپتەستىك قارىم-قاتىناستارىن نىعايتۋ باعىتىن ۇستاناتىنىمىزدى ناقتىلايمىز»، - دەدى د. نازارباەۆا.

چجان سياو قحر حالىق وكىلدەرى بۇكىلقىتايلىق جينالىسى تۇراقتى كوميتەتىنىڭ توراعاسى لي چجانشۋدىڭ د. نازارباەۆاعا سەنات توراعاسى قىزمەتىنە سايلانۋىمەن قۇتتىقتاۋىن جەتكىزدى جانە بۇدان بىلايعى جۇمىسى تابىستى بولۋىنا تىلەكتەستىگىن ءبىلدىردى. «ءبىز ءسىزدىڭ پارلامەنتارالىق بايلانىستاردى دامىتۋعا جانە قىتايدىڭ «ءبىر بەلدەۋ، ءبىر جول» باستاماسىن قولداۋعا قوسقان جەكە ۇلەسىڭىزدى جوعارى باعالايمىز»، - دەدى ول.

قىتاي ەلشىسى قازاقستاننىڭ تۇڭعىش پرەزيدەنتى ن. نازارباەۆتىڭ 2-ءشى حالىقارالىق «ءبىر بەلدەۋ، ءبىر جول» ىنتىماقتاستىعى فورۋمىنا قاتىسۋ ءۇشىن بەيجىڭ قالاسىنا باراتىن الداعى ساپارىنا دايىندىق تۋرالى سەنات باسشىسىن حاباردار ەتتى.

جۇزدەسۋشىلەر ساۋدا-ەكونوميكالىق بايلانىستاردى دامىتۋداعى وڭ ۇردىستەر مەن ءبىزدىڭ ەلدەرىمىز اراسىنداعى تاۋار اينالىمى كولەمىنىڭ ءوسۋىن اتاپ ءوتىپ، ينۆەستيتسيا، اۋىل شارۋاشىلىعى، تۋريزم، مادەني-گۋمانيتارلىق ىنتىماقتاستىق سالاسىنداعى ءوزارا ءىس-قيمىلدى كۇشەيتۋ مۇمكىندىكتەرى بار ەكەنىنە توقتالدى.

سەنات باسشىسى ەكى ەل اراسىنداعى جاستار ىنتىماقتاستىعىن بەلسەندى دامىتۋ، اتاپ ايتقاندا، ستۋدەنتتەر الماسۋدى جانە ءبىلىم گرانتتارىن بەرۋدى جولعا قويۋ قاجەتتىگىن اتاپ ءوتتى.

د. نازارباەۆا شۇاا-داعى قازاقتار تاقىرىبىن قوزعاي كەلىپ،  قحر-داعى ەتنيكالىق قازاقتار قازاقستان مەن قىتاي اراسىنداعى قارىم-قاتىناستا «دوستىق كوپىرى» ەكەنىن اتاپ ءوتتى. تاراپتار وسى سالادا تۋىندايتىن ماسەلەلەردى ءوزارا نەگىزدە سىندارلى تۇردە شەشۋگە ۋاعدالاستى.

كەزدەسۋ بارىسىندا سەنات توراعاسى قازاقستان ازاماتتارى ءۇشىن تۋريستىك جانە جەكە ۆيزا بەرۋدى جاڭعىرتۋ ماسەلەسىن كوتەردى.

قازاقستان رەسپۋبليكاسى پارلامەنتى
سەناتىنىڭ ءباسپاسوز قىزمەتى

Abai.kz