جۇما, 21 اقپان 2020
1032 0 پىكىر 28 اقپان, 2019 ساعات 20:45

«نۇر وتان» پارتياسىنىڭ وبلىستىق فيليالدارى اتقارعان شارالارعا شولۋ

27 اقپان استانا قالاسىندا «نۇر وتان» پارتياسىنىڭ كەزەكتى XVIII سەزى ءوتتى. پارتيانىڭ 20 جىلدىعىنا وراي ۇيىمداستىرىلعان سەزدە پارتيانىڭ 2030 جىلعا دەيىنگى جاڭا باعدارلاماسى قارالدى. باس پارتيانىڭ باستى جينالىسىندا پاريانىڭ ايماقتارداعى فيليالدارىندا ارتقارىلىپ جاتقان يگى ىستەر كوپشىلىك نازارىنا ۇسىنىلدى.

ماسەلەن، «نۇر وتان» پارتياسى اقمولا وبلىستىق فيليالى مەن بيزنەس وكىلدەرىنىڭ قاتىسۋىمەن، اقمولا وبلىسىنىڭ توتەنشە جاعدايلار دەپارتامەنتىندە «سىبايلاس جەمقورلىققا قارسى ءىس-قيمىل جانە بيزنەسكە اكىمشىلىك قىسىمدى تومەندەتۋ ماسەلەلەرى» تاقىرىبىندا ءىس-شارا وتكىزىلدى.

تالقىلاۋ جانە پىكىر الماسۋدا پارتيانىڭ سىبايلاس جەمقورلىققا قارسى ءىس-قيمىل باعدارلاماسىنىڭ باعىتتارى، توتەنشە جاعدايلار قىزمەتىنىڭ جەلىسى بويىنشا بيزنەسكە اكىمشىلىك كەدەرگى كەلتىرمەۋ، ءورت قاۋىپسىزدىگىن قامتاماسىز ەتۋ بارىسىندا جەمقورلىق كورىنىستەرىنە جول بەرمەۋ بويىنشا قابىلدانىپ جاتقان شارالار جونىندە ايتىلىپ، ءىس-شاراعا قاتىسۋشىلار وزدەرىن قىزىقتىرعان سۇراقتارعا اتالمىش دەپارتامەنتتىڭ باسشىلىعى تاراپىنان ءتيىستى جاۋاپتار الدى.

ەلىمىزدىڭ سولتۇستىك وڭىرىندە وسىنداي ءىس-شارا ىسكە اسىپ جاتقان، ەلدىڭ ەڭ وڭتۇستىگىندە ورنالاسقان ماقتاارال اۋدانى دا باس پاريانىڭ ۇندەۋىنە ءۇن قوستى. اتاپ ايقتقاندا، ماقتاارال اۋدانىندا «نۇر وتان» پارتياسىنىڭ 20 جىلدىعىنا ارنالعان سالتاناتتى جيىن ءوتتى. جيىنعا «نۇر وتان» پارتياسى ماقتاارال اۋداندىق فيليالىنىڭ توراعاسى، اۋدان اكىمى اسانوۆ باقىت ناسىرحانۇلى توراعالىق ەتىپ، پارتيالاستارىن ايتۋلى مەرەكەمەن قۇتتىقتادى.

ايتا كەتەرلىگى، پارتيانىڭ ماقتاارال اۋداندىق فيليالىدا 1999 جىلى 1 ناۋرىزدا قۇرىلعان. سول باستاپقى كەزدەگى قۇرىلىمدا 12 باستاۋىش پارتيا ۇيىمى، 720 پارتيا مۇشەسى ەسەپتە تۇرسا، بۇگىنگى تاڭداعى بۇل كورسەتكىش بىرنەشە ەسە ءوسىپ، بۇگىندە اۋداندىق فيليالدا 14 باستاۋىش پارتيا ۇيىمى، 4969 پارتيا مۇشەسى ەسەپتە تۇر. بۇل رەتتە پارتيانىڭ اۋداندىق فيليالى رەسپۋبليكالىق «ەڭ ۇزدىك قوعامدىق قابىلداۋ بولمەسى» بايقاۋىنىڭ 7 رەت جەڭىمپازى ەكەنىن ايتا كەتەيىك.

باس پاريانىڭ باستى جينالىسى باتىس وڭىردە دە ءوز جالعاسىن تاپتى. «نۇر وتان» پارتياسىنىڭ باتىس قازاقستان وبلىستىق فيليالى «ارداگەرلەردى ارداقتايىق» پارتيالىق جوباسىنىڭ جاڭارتىلعان تۇجىرىمداماسىنا سايكەس ماڭىزدى ءىس-شارا وتكىزدى. اتاپ ايتقاندا، «قوعامدىق كەلىسىم» كوممۋنالدىق مەملەكەتتىك مەكەمەسىمەن كەلىسىلگەن شارالار جوسپارى اياسىندا ارداگەرلەرگە ارنالعان «بەلسەندى ءومىر ءسۇرۋ ورتالىعى» اشىلدى. ورتالىقتا التى سەكتسيا (سالاۋاتتى ءومىر سالتى، ، قۇقىق جانە پسيحولوگيا، قىزىعۋشىلىقتار بويىنشا كلۋبتار، اڭگىمەلەسۋ جانە ءتىل ۇيرەنۋ كلۋبتارى، مەنتور كلۋبى) بويىنشا جۇمىس ىستەيتىن بولادى.

ءبىز بۇل ماتەريالدا ەلىمىزدەگى كوشباسشى پارتيا - «نۇر وتان» پارتياسىنىڭ ءبىر قاتار ايماقتارداعى فيليالدارىنىڭ اتقارعان ءىس-شارالارىنا توقتالدىق. ەلدىڭ ەرتەڭى، مەملەكەتتىڭ بولاشاعى ءۇشىن تىنباي ەڭبەك ەتىپ جاتقان باس پارتيامىزدىڭ حالىق ءۇشىن ىستەگەن يگى ىستەرى ساناپ تاۋىسقىسىز ەكەنى ءسوزسىز. ءبىز تەك كەيبىر وڭىرلەردەگى وزگەشە شارالار توڭىرەگىندە از-كەم اقپارات بەردىك. الداعى ۋاقىتتا «نۇر وتان» پارتياسىنىڭ ەل دامۋى ءۇشىن اتقارات قىزمەتى مىڭ-سان ەكەنى ءسوزسىز.

Abai.kz

0 پىكىر