بەيسەنبى, 28 ناۋرىز 2024
3231 5 پىكىر 11 ءساۋىر, 2019 ساعات 11:03

نازارباەۆ كەڭسەسىن قۇرۋعا 1 ملرد تەڭگە ءبولۋ ۇسىنىسىن ءماجىلىس ماقۇلدادى

10 ساۋىردە قازاقستان پارلامەنتى ءماجىلىسىنىڭ جالپى وتىرىسىندا دەپۋتاتتار ءۇش جىلدىق بيۋدجەت تۋرالى زاڭعا وزگەرىستەر مەن تولىقتىرۋلار ەنگىزۋ تۋرالى زاڭ جوباسىنا سەنات ەنگىزگەن وزگەرىستەردى ماقۇلدادى.

4 ساۋىردە سەنات 2019-2021 جىلدارعا ارنالعان رەسپۋبليكالىق بيۋدجەت تۋرالى زاڭ جوباسىنا جالاقىنى شىلدەدەن ەمەس، 1 ماۋسىمنان باستاپ ءوسىرۋ، استانا اتاۋىن وزگەرتۋ مەن نازارباەۆ كەڭسەسىن قۇرۋ شىعىندارىن قوسۋ ءۇشىن ماجىلىسكە قايتارىپ جىبەرگەن.

ءماجىلىس وتىرىسىندا سەنات ۇسىنىستارىن تانىستىرعان قارجى جانە بيۋدجەت كوميتەتىنىڭ مۇشەسى، دەپۋتات سەرىك قۇسايىنوۆتىڭ سوزىنشە، وسى ءۇش باعىتقا بيۋدجەتتەن قوسىمشا 38 ميلليارد تەڭگە جۇمسالادى.

ازاتتىق ءتىلشىسىنىڭ حابارلاۋىنشا، زاڭ جوباسىنا سەنات ەنگىزگەن تولىقتىرۋلار تالقىلانباستان، ءبىر اۋىزدان ماقۇلدانعان.

بۇعان دەيىن، 2 ساۋىردە قازاقستاننىڭ قارجى ۆيتسە-ءمينيسترى تاتيانا ساۆەلەۆا 38 ميلليارد تەڭگەنىڭ 1 ميلليارد تەڭگەسى "ەندىگى تىركەلىپ قويعان جاڭا مەملەكەتتىك ورگاندى - ەلباسى كەڭسەسىن قۇرۋعا جىبەرىلەدى" دەگەن.

نۇرسۇلتان نازارباەۆ قازاقستاندى 30 جىلداي بيلەپ، بيىل ناۋرىزدا قىزمەتىنەن كەتتى.

"تۇڭعىش پرەزيدەنت – ەلباسى تۋرالى" زاڭ بويىنشا، نازارباەۆتى قىزمەتتىك كەڭسە، پاتەر، تۇراقتى كۇزەت جانە بايلانىستىڭ بارلىق تۇرىمەن جابدىقتاۋ قاراستىرىلعان.

نازارباەۆقا بيۋدجەتتەن پرەزيدەنت ايلىعىنىڭ 80 پايىزىنا تەڭ كولەمدە اي سايىن زەينەتاقى قاراستىرىلعان، نازارباەۆتىڭ ءومىرى مەن دەنساۋلىعىنا بايلانىستى پرەزيدەنتتىڭ جىلدىق جالاقىسىنا تەڭ مىندەتتى مەملەكەتتىك ساقتاندىرۋ تاعايىندالعان

Abai.kz

5 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2256
عيبىرات

قايسار رۋحتى عازيز جان

مۇحتار قۇل-مۇحاممەد 3525