بەيسەنبى, 22 تامىز 2019
1364 4 پىكىر 15 ءساۋىر, 2019 ساعات 10:27

مينسك رەسەي مۇنايى ءترانزيتىن توقتاتۋى مۇمكىن

بەلارۋس "دوستىق" قۇبىرىنداعى جوندەۋ جۇمىستارىنا بايلانىستى رەسەي مۇنايىنىڭ تاسىمالىن شەكتەيدى نەمەسە توقتاتادى. بۇل تۋرالى پرەزيدەنت الەكساندر لۋكاشەنكومەن كەڭەسىپ شىققان ۆيتسە-پرەمەر يگور پەتريشەنكو مالىمدەدى دەپ حابارلادى بەلتا.

بەلارۋس ءمينيسترىنىڭ ايتۋىنشا، ماماندار مۇناي قۇبىرىن جوندەۋگە جابۋعا كەڭەس بەرگەن، ويتكەنى قۇبىردىڭ سالىنعانىنا جارتى عاسىر بولعان. جوندەۋ جۇمىستارى قانشاعا سوزىلاتىنىن ماماندار ايتپاي وتىر.

بۇنىڭ الدىندا بەلارۋس پرەزيدەنتى الەكساندر لۋكاشەنكو بىرقاتار تاۋارلاردى رەسەي نارىعىنا كىرگىزبەي قويعان ماسكەۋ ارەكەتىن سانكتسيا دەپ اتاعان ەدى.

رەسەيدىڭ "ترانسنەفت" كومپانياسى "دوستىق" قۇبىرىنىڭ جاعدايى جاقسى دەپ مالىمدەگەن.

Abai.kz

4 پىكىر