ن.ءا. نازارباەۆتىڭ 2018  جىلعى «قازاقستانداعى 100 جاڭا ەسىم» جوباسى 2018 جىلدىڭ تامىز ايىنان باستاپ ءوزىنىڭ ەكىنشى كەزەڭىن اشىق دەپ جاريالادى. وعان -  بىلىم-عىلىمى تولىسقان، ۇزدىك مامان، ناعىز ۇلگى بولارلىق جاستار قاتىسا الادى. ول سونىسىمەن دە كوپشىلىككە تانىمال، ايتۋلى جوبالاردىڭ  بىرىنە اينالدى.

اقپارات جانە كوممۋنيكاتسيالار مينيسترلىگى مەن قازاقستان حالقى اسسامبلەياسى بىرلەسە ۇيىمداستىرعان جوبانىڭ ەكىنشى كەزەڭىنە ءبىرشاما وزگەرىستەر ەنگىزىلگەن بولاتىن. ماسەلەن، العاشقى ىرىكتەۋ بارىسىندا ازاماتتار ءوز-ءوزىن ۇسىنا السا، وسى جولى ىرىكتەۋ جوبا­عا قا­تىسۋ تۋرالى وتىنىشتەردى ۇكى­مەت­­تىك ەمەس ۇيىمدار ارقىلى بەرۋ ادىسىمەن جۇزەگە اسىرىلاتىن بو­­لادى. وسى ورايدا ەلىمىزدە ءتۇرلى سالا بويىنشا مىڭداعان ۇكىمەت­­تىك ەمەس ۇيىمدار جۇمىس ىستەپ جات­­قانىن ايتا كەتۋ كەرەك.

بايقاۋ قاتىسۋشىلارى ەل تاريحىندا ەرەكشە قولتاڭباسىمەن قالاتىنى انىق. ۇزدىكتەردىڭ ءومىر جولى ءبىر-بىرىنە ۇقسامايدى. ولاردىڭ ۇقساستىقتارى قوعامعا تيگىزگەن پايداسىندا عانا دەسەك قاتەلەسپەيمىز.

جانە بۇل جوبا جەڭىمپازدارىنىڭ جەتىستىكتەرى جاستاردى عانا ەمەس، رۋحاني جاڭعىرۋعا ۇمتىلعان بارلىق جاندارعا وي سالارى ءسوزسىز.

وسىمەن ەكىنشى مارتە ۇيىمداستىرىلىپ وتىرعان شاراعا بارلىعى 2 388 ءوتىنىم كەلىپ تۇسكەن. سولاردىڭ ىشىنەن 29 جاڭا ەسىم ۇزدىك دەپ تانىلدى. ەلباسى جەڭىمپازداردى جەكە-جەكە قۇتتىقتاپ، جەتكەن جەتىستىكتەرىن باعامدادى. جوبانىڭ كوزدەگەنى دە وسى. «100 جاڭا ەسىم». ءوزىنىڭ ەڭبەگىمەن ەلەنگەن، بىلىمىمەن بەلەستەردى باعىندىرعان، ونەرىمەن ورگە جۇرگەن زامانداستارىمىزدى قالىڭ كوپشىلىككە تانىتۋ، تانىتىپ قانا قويماي، وزگەگە، اسىرەسە وسكەلەڭ ۇرپاققا ۇلگى ەتىپ كورسەتۋ – جوبانىڭ نەگىزگى ماقساتى.

«بولاشاققا باعدار: رۋحاني جاڭعىرۋ» ماقالاسىندا ەلباسى وسى ءىستى تاپسىرعان كەزدە: «ولاردىڭ ءجۇرىپ وتكەن جولى – كەز كەلگەن ستاتيستيكادان ارتىق كورسەتكىش»، – دەگەن بولاتىن. نۇرسۇلتان نازارباەۆ، قازاقستان رەسپۋبليكاسىنىڭ پرەزيدەنتى: - «بولاشاققا باعدار: رۋحاني جاڭعىرۋ» دەگەن مەنىڭ ماقالامنىڭ ارقاسىندا كەلىپ وتىرعان وسى جوبا. ەكىنشى رەت زور قۋانىشپەن كەزدەسىپ وتىرمىن. جالپى جاستارمەن ارالاسقاندى جاقسى كورەمىن. ەندى عانا مىنەكەي ءوزىمىز قاناتىمىزدى جايىپ، جاھانعا قازاقتىڭ كىم ەكەنىن، قازاقستان دەگەن مەملەكەتتىڭ بار ەكەنىن، ول مەملەكەتتى كارتاعا سالىپ، دۇنيە جۇزىنە پاش ەتكەنىمىز جاقىندا عانا. تاريح ءۇشىن، دۇنيە ءۇشىن 27 جىل تاۋەلسىزدىك تۇك ەمەس، ءبىر مەزگىل عانا. سونىڭ ىشىندە وسىنداي جاستاردى تاربيەلەگەنىمىزگە مەن ءوزىمدى وتە باقىتتىمىن دەپ سانايمىن. «100 جاڭا ەسىمنىڭ» ىشىندە جاس تا بار، جاسامىس تا بار. الايدا قاتىسۋشىلاردىڭ دەنى جاستار ەكەنىن ايتا كەتكەنىمىز ءجون. عىلىم، مەديتسينا، مادەنيەت، سپورت سەكىلدى سان سالانىڭ ساڭلاقتارى ەلباسىنىڭ الدىندا ءسوز سويلەدى.

ماقپال تاجماعامبەتوۆا (مىسا), اقىن: - «100 جاڭا ەسىم» جوباسى ەش ەلدە بولماعان تىڭ باستاما. ەلىمىزدىڭ تۇكپىر-تۇكپىرىندە ءار سالادا جەتىستىككە جەتكەن تالانتتى جاستاردى ناسيقاتتۋدى ماقسات ەتەدى. بۇل جوبا اتالعان جاستارعا موتيۆاتسيا، سەرپىلىس بەرەتىن بىرەگەي جوبا دەپ ەسەپتەيمىن. ويتكەنى، كوپتەگەن جەتىستىككە جەتكەن، ەلگە ۇلگى بولۋعا لايىق جاستار زەرتتەلمەي، ناسيقاتتالماي جاتىر. وسى ولقىلىقتىڭ ورنىن تولتىرۋ ءۇشىن بۇل جوبا وتە كەرەك. ەلباسى ءوزى ايتقانداي، قاسيەتتى بويتۇمارىمىز تاۋەلسىزدىگىمىز تۇرعاندا، ەگەمەندى ەلدىڭ ىرگەسى بەرىك قالانىپ جاتقان تۇستا جاستارىمىز ەلدىڭ تاريحىن جاساۋى كەرەك. «100 جاڭا ەسىم» جوباسى دا وسى ماقساتتا قولعا الىنىپ جاتقانى ءسوزسىز.

ءبىز – تاۋەلسىزدىكتىڭ ەسىمدەرىمىز. الاشتىڭ رۋحى بولىپ قايناعان قارا قازاننىڭ سۋى سارقىلعان جوق. بۇگىندە مەن سياقتى قالام تەربەپ جۇرگەن جاستار – سول قاسيەتتى سۋدىڭ ءبىر-ءبىر ءمولدىر تامشىسى. بيىل جاستار جىلىندا اتقارىلاتىن جۇمىس كوپ. «جاس كاسىپكەر»، «جاس مامان» سەكىلدى باعدارلامالار ازىرلەنەدى. «ديپلوممەن اۋىلعا» جوباسى بويىنشا تولەنەتىن قارجى كوبەيەدى. باسپانا ماسەلەلەرى شەشىمىن تابۋى كەرەك. وسى سىندى يگى ىستەردىڭ ءمان-ماڭىزىنا توقتالىپ، تالاي ماسەلەنى وڭ شەشىپ بەرگەن ەلباسىمىز نۇرسۇلتان ءابىشۇلى نازارباەۆقا العىسىمىز شەكسىز. 

ق.اقانوۆ

Abai.kz