جۇما, 29 ناۋرىز 2024
3876 0 پىكىر 16 ءساۋىر, 2019 ساعات 11:18

ەلىمىزدىڭ بولاشاق جۋرناليستەرى ەرتىس-بايان وڭىرىندە باق سىناۋدا

سۇلتانماحمۇت تورايعىروۆ اتىنداعى پاۆلودار مەملەكەتتىك ۋنيۆەرسيتەتىندە «5ۆ050400 – جۋرناليستيكا» ماماندىعى بويىنشا «ۇلى دالا ۇلاعاتى» اتتى رەسپۋبليكالىق ءپان وليمپياداسى ءوتىپ جاتىر. وليمپياداعا قازاقستاننىڭ بىرقاتار قالاسىنان قاتىسۋشىلار كەلىپ، ءوزارا سايىسقا ءتۇستى.

ەكى كۇنگە سوزىلاتىن بۇل ءبىلىم باسەكەسىنە قازاقستاندا جۋرناليست ماماندارىن دايارلايتىن 17 جوعارى وقۋ ورنىنان 51 ستۋدەنت قاتىسىپ، بار ونەرلەرىن پاش ەتتى.

وليمپيادانى پاۆلودار مەملەكەتتىك ۋنيۆەرسيتەتىنىڭ رەكتورى احمەتوۆا گاۋحار عالىمقىزى  رەسمي تۇردە اشىپ، بارلىق قاتىسۋشىلارعا ساتتىلىك تىلەدى.

جارىستىڭ ءبىرىنشى كەزەڭىندە ءار توپ وزدەرىنىڭ دايىنداعان ۆيدەو-تانىستىرۋلارىن كورسەتتى. ال ەكىنشى كەزەڭدە قاتىسۋشىلار ەسسە جازىپ، جەڭىس تۇعىرىنان كورىنۋگە بار كۇشتەرىن سالدى.

ەكى كەزەڭ اياقتالعاننان سوڭ، جارىسقا كەلگەن قاتىسۋشىلاردى پاۆلودار قالاسىن ارالاتىپ، كورنەكتى جەرلەرمەن تانىستىردى. ەكسكۋرسيا اۋعان سوعىسى ارداگەرلەرىنە ارنالعان ساياباقتان باستالىپ، س.تورايعىروۆ ەسكەرتكىشى، ورتالىق مەشىتكە جالعاسقان جول بۇحار جىراۋ مۋزەيىنەن اياقتالدى.

دۇلدۇلدەردىڭ ءدۇبىرلى دوداسى بۇگىن ءوز مارەسىنە جەتەدى.

«تۇران» ۋنيۆەرسيتەتى

«جۋرناليستيكا» ماماندىعىنىڭ ستۋدەنتتەرى

Abai.kz

 

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1582
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2281
عيبىرات

قايسار رۋحتى عازيز جان

مۇحتار قۇل-مۇحاممەد 3616