Yves Saint-Laurent برەندىنىڭ قوجايىنى پينو 100 ملن ەۋرو بەرەتىنىن مالىمدەدى. وسىدان كەيىن LVMH حولدينگىنىڭ باسشىسى بەرنار ارنو تاريحي شىركەۋدى قالپىنا كەلتىرۋ ءۇشىن 200 ملن ەۋرو قۇياتىنىن ايتتى.

فرانتسيانىڭ ساياسي پارتيالارى دا حالىقتى بۇل شاراعا قوسىلۋعا شاقىردى. ولار پاريج قۇداي-اناسى شىركەۋىندەگى ءورت فرانتسۋز حالقىن بىرىكتىرەتىن قايعىلى وقيعا دەپ اتادى. ادەتتە فرانتسيادا ۇلتتىق اقشا جيناۋ شاراسىن توتەنشە جاعداي كەزىندە جاريالايدى. سوڭعى رەت ءبىرىنشى دۇنيەجۇزىلىك سوعىستا وسىنداي شارا بولعان.

فرانتسۋزدىق باق-تىڭ جازۋىنشا، نوتر-دام-دە-پاريدەگى ەڭ باستى مادەني مۇرالار امان قالعان. XIII عاسىردىڭ ءۇش باستى ۆيتراجىنىڭ تاعدىرى بەلگىسىز. ونداعى تەرەزەلەر سىنباعان. بىراق تەرەزەلەرى تۇتىننەن قاپ-قارا بولىپ قالعان.

فرانتسيا استاناسىندا دۇيسەنبى كۇنى كەشكىسىن XII–XIV عاسىرلاردا سالىنعان نوتر-دام-دە-پاري شىركەۋى ورتەندى. جىل سايىن بۇل تاريحي كەشەندى كورۋگە الەمنىڭ ءار تۇكپىرىنەن 13–14 ملن ادام بارادى.

ازىرگە ءورتتىڭ سەبەبى انىقتالعان جوق. الدىن الا بولجام بويىنشا، اياق استىنان ورىن العان.

Abai.kz