پارلامەنت سەناتى كونستيتۋتسيالىق زاڭناما، سوت جۇيەسى جانە قۇقىق قورعاۋ ورگاندارى كوميتەتىنىڭ توراعاسى گەورگي كيم باستاعان كوميتەت دەپۋتاتتارى «استانا» حالىقارالىق قارجى ورتالىعى سوتى مەن حالىقارالىق تورەلىك ورتالىعى قىزمەتىنىڭ قۇقىقتىق ماسەلەلەرى بويىنشا احقو سوتىنىڭ باسشىلىعىمەن كەزدەستى.

كەزدەسۋگە كونستيتۋتسيالىق زاڭناما، سوت جۇيەسى جانە قۇقىق قورعاۋ ورگاندارى كوميتەتىنىڭ مۇشەلەرى دۋلات قۇسداۋلەتوۆ، رىسقالي ابدىكەروۆ، ساۋلە ايتپاەۆا، نۇرلان بەكنازاروۆ، مارات تاعىموۆ، راشيد تۇسىپبەكوۆ، قارجى جانە بيۋدجەت كوميتەتىنىڭ مۇشەلەرى ولگا پەرەپەچينا، عۇمار دۇيسەمباەۆ، نۇرلان قىلىشباەۆ، احقو سوتىنىڭ توراعاسى لورد ۆۋلف، حالىقارالىق تورەلىك ورتالىعىنىڭ توراعاسى باربارا دومانن، احقو سوتىنىڭ سۋدياسى دجەك بيتسون، «احقو اكىمشىلىگى» اق باسقارماسى توراعاسىنىڭ ءبىرىنشى ورىنباسارى ق.ايتەكەنوۆ، سونداي-اق مۇددەلى مەملەكەتتىك ورگانداردىڭ وكىلدەرى قاتىستى.

«استانا» حالىقارالىق قارجى ورتالىعى تمد ەلدەرى، سونداي-اق باتىس جانە ورتالىق ازيا ايماعى اراسىنداعى قارجى-ەكونوميكالىق كوپىر بولىپ تابىلادى. Global Financial Centres Index 25 يندەكسى بويىنشا بايانداماعا سايكەس، احقو الەمدە 51 ورىن الدى (2018 جىلدىڭ ءبىرىنشى جارتىسىندا – 61 ورىن) جانە الەمدىك قارجى ورتالىقتارىنىڭ اراسىندا قارقىندى دامىپ كەلە جاتقاندارىنىڭ ءبىرى رەتىندە باعالانىپ وتىر.

احقو سوتى ءوز قىزمەتىن 2018 جىلدىڭ قاڭتارىنان باستادى. احقو سوتىنىڭ ايرىقشا ەرەكشەلىگى جالپى (اعىلشىن) قۇقىق پرينتسيپتەرىنە نەگىزدەلگەن بىرەگەي قۇقىقتىق ءتارتىپ بولىپ تابىلادى. احقو سوتى احقو-عا قاتىسۋشىلار اراسىنداعى داۋلاردى عانا ەمەس، تاراپتاردىڭ كەلىسىمى بولعان جاعدايدا كەز كەلگەن زاڭدى تۇلعالار اراسىنداعى داۋلاردى دا قارايدى.

كوميتەت توراعاسى گ.كيم كەزدەسۋ بارىسىندا ۇلتتىق زاڭنامانى جەتىلدىرۋ، احقو سوتىنىڭ زاڭدىق اياسى تۋرالى كاسىپكەرلەردى كەڭىنەن حاباردار ەتۋ جانە احقو سوتى مەن حالىقارالىق تورەلىك ورتالىعىنىڭ زاڭدىق قۇزىرەتىن بەلسەندى پايدالانۋ ماسەلەلەرىن كوتەردى.

سەناتورلار احقو سوتى مەن حالىقارالىق تورەلىك ورتالىعىنىڭ ماتەريالدىق-تەحنيكالىق جابدىقتالۋىمەن تانىستى.

كوميتەت كەزدەسۋ ناتيجەسى بويىنشا ەلىمىزدىڭ ۇكىمەتىنىڭ اتىنا ۇلتتىق زاڭنامانى جەتىلدىرۋ، سونداي-اق احقو سوتىنىڭ برەندىن ىلگەرىلەتۋ جونىندەگى قاجەتتى شارالار تۋرالى قورىتىندى قابىلدادى.

Abai.kz