"پروكۋراتۋرا جالپى ءبىلىم بەرەتىن مەكەمەلەر قىزمەتكەرلەرىنىڭ ەڭبەك قۇقىقتارىنىڭ ساقتالۋىن تالداۋ بارىسىندا قازاقستان بويىنشا 15 305 پەداگوگكە 2016-2018 جىلدارداعى وقۋ كەزەڭىندە ەرەكشە ءبىلىم بەرۋ قاجەتتىگى بار بالالارمەن جۇمىس ىستەگەنى ءۇشىن ۇستەمەاقى تولەنبەي كەلگەنىن انىقتادى" دەپ جازادى.
ۆەدومستۆونىڭ جازۋىنشا، ينكليۋزيۆتى ءبىلىم بەرۋ اياسىندا جۇمىس ىستەگەنى ءۇشىن پەداگوگكە جالاقىسىنىڭ 40 پايىز شاماسىندا ۇستەمەاقى تولەنۋى ءتيىس.
"زاڭ بۇزۋشىلىقتار جويىلىپ، مۇعالىمدەرگە 176, 2 ملن تەڭگە مولشەرىندە ۇستەمەاقى اۋدارىلدى" دەپ جازادى پروكۋراتۋرا.
قازاقستاندا ءبىلىم تۋرالى زاڭعا 2010 جىلى ەنگىزىلگەن تولىقتىرۋلار مەن وزگەرتۋلەر بويىنشا، كەز كەلگەن مەكتەپ ەرەكشە مۇقتاجدىعى بار بالانى قابىلداۋعا مىندەتتى. بىراق ىسكە كەلگەندە قۇرال-جابدىق پەن ارنايى ماماننىڭ جوقتىعىنان بۇل ساياسات جۇزەگە اسا بەرمەيدى. رەسمي دەرەك بويىنشا، ەلدەگى كامەلەت جاسىنا تولماعان بالالاردىڭ ءۇش پايىزى، ياعني 148 مىڭى ينكليۋزياعا ءزارۋ. ولاردىڭ 40 مىڭعا جۋىعىنا عانا ارنايى ءبىلىم بەرەتىن جاعداي جاسالعان.
Abai.kz
