مالىمدەمەدە اۆتور ادىلەت مينيسترلىگى قىزمەتكەرلەرىنىڭ "زاڭسىز ارەكەتىنە شاعىمدانىپ", قسدپ پارتياسىنان "زاڭسىز شىعارىلعان مۇشەلەرىن پارتيا قاتارىنا قايتا قوسۋدى" تالاپ ەتكەن. بۇعان قوسا، زاڭعا قايشى ارەكەت ەتكەن مينيسترلىك وكىلدەرىن جازالاۋدى سۇراعان.
بۇعان دەيىن قىرعىزستاننىڭ ادىلەت مينيسترلىگى زاڭدى تۇلعالار رەەسترىنە وزگەرىس ەنگىزىپ، قسدپ پارتياسىنىڭ توراعاسى رەتىندە ساعىنبەك ابدراحمانوۆتى كورسەتكەن. ابدراحمانوۆ پارتيادان ءبولىنىپ كەتكەن "اتامباەۆسىز قسدپ" قوزعالىسىنا جەتەكشىلىك ەتكەن. 3 ءساۋىر كۇنگى پارتيا سەزىندە ول پارتيانى قايتا تىركەۋدەن وتكىزەتىنىن مالىمدەگەن ەدى.
ادىلەت مينيسترلىگىنىڭ ارەكەتىن زاڭدى دەپ اتاعان ساعىنبەك ابدراحمانوۆ 18 ساۋىردە اتامباەۆتان پارتيانىڭ جارعىسى، ءمورى جانە وزگە دە مۇلكىن تاپسىرۋدى تالاپ ەتكەن.
قىرعىزستان پارلامەنتىندە ساياسي كوپشىلىك بولىپ وتىرعان قىرعىزستاننىڭ سوتسيال-دەموكراتيالىق پارتياسى ءبىر جىلعا سوزىلعان ىرىڭ-جىرىڭنان سوڭ كوكتەمدە ەكىگە اجىراپ تىنعان. ءبىرىنىڭ باسىندا - قازىرگى پرەزيدەنت سوورونباي جەەنبەكوۆ، ەكىنشىسىنىڭ باسىندا بۇرىنعى پرەزيدەنت المازبەك اتامباەۆ تۇر.
Abai.kz
