«Nur Otan» پارتياسىنىڭ مۇشەلەرى كانديداتۋراسىن ءبىراۋىزدان قولداپ، داۋىس بەرگەن قاسىم-جومارت توقاەۆ - ۇلتتىق كومپروميسس پەن الەۋمەتتىك ءۇمىتتىڭ تۇلعاسى دەپ ايتۋعا بارلىق نەگىز بار. ساياساتتانۋشى ەرلان سايروۆ وسىنداي پىكىر ءبىلدىردى.

«بۇل - مەنىڭ ويىمشا بۇگىنگى تاڭدا وتە دۇرىس شەشىم. قاسىم-جومارت كەمەلۇلى حالىقارالىق دەڭگەيدە، سونىمەن بىرگە قازاقستاننىڭ حالقىنا بەدەلدى تۇلعا. وزدەرىڭىز بىلەتىندەي، قاسىم-جومارت توقاەۆ بۇۇ باس حاتشىسىنىڭ ورىنباسارى بولىپ ەڭبەك ەتكەن. بۇۇ - دۇنيەجۇزىندەگى ەكونوميكالىق، گۋمانيتارلىق جانە الەۋمەتتىك ماسەلەلەردى شەشەتىن ۇلكەن ۇيىم. سونىمەن بىرگە، ول ەلىمىزدە پرەمەر-مينيستر بولىپ ەڭبەك ەتتى. ۇكىمەت باسشىسى بولىپ تۇرعان كەزىندە بۇگىنگى تاڭداعى قازاقستاننىڭ الەۋمەتتىك-ەكونوميكالىق دامۋىنىڭ نەگىزگى باعىتتارى وسى كىسىنىڭ تۇسىندا ايقىندالدى. سوندىقتان، قازاقستاننىڭ الەۋمەتتىك-ەكونوميكالىق قازىرگى جاعدايىندا بۇل تۇلعا ۇلتتىق كومپروميسس پەن الەۋمەتتىك ءۇمىتتىڭ فيگۋراسى دەپ ايتۋعا بارلىق نەگىز بار»، - دەيدى ەرلان سايروۆ.

ەسكە سالا كەتسەك، «Nur Otan» پارتياسىنىڭ دەلەگاتتارى بۇگىنگى كەزەكتەن تىس سەزدە قاسىم-جومارت توقاەۆتىڭ كانديداتۋراسىنا داۋىس بەرىپ، ءبىراۋىزدان قولداعان بولاتىن.

ءوز كەزەگىندە قر پرەزيدەنتى قاسىم-جومارت توقاەۆ الداعى پرەزيدەنتتىك سايلاۋعا كانديدات رەتىندە قاتىساتىنىن ءمالىم ەتتى.

Abai.kz