قر پرەمەر-ءمينيستردىڭ ورىنباسارى گۇلشارا ابدىقالىقوۆا باستاعان ۇكىمەتتىك دەلەگاتسيانىڭ الماتى وبلىسىنا قىزمەتتىك ساپاردا بولدى. ۇكىمەتتىك دەلەگاتسيا قۇرامىندا ەڭبەك جانە حالىقتى الەۋمەتتىك قورعاۋ ءمينيسترى بەردىبەك ساپارباەۆ، ءبىلىم جانە عىلىم ءمينيسترى كۇلاش ءشامشيدينوۆا، دەنساۋلىق ساقتاۋ ءمينيسترى ەلجان ءبىرتانوۆ، قۇرىلىس جانە تۇرعىن ءۇي-كوممۋنالدىق شارۋاشىلىق ىستەرى جونىندەگى كوميتەتتىڭ توراعاسى مارحابات جايىمبەتوۆ جانە باسقالارى بولدى. بۇل تۋرالى اباي-اقپارات حابارلايدى.

الماتى وبلىسىنا كەلگەن ۇكىمەتتىك دەلەگاتسيا ەلباسىنىڭ «الەۋمەتتىك قامقورلىق» جاڭا الەۋمەتتىك شارالارىنىڭ نەگىزگى باعىتتارىن ءتۇسىندىرۋ ماقساتىندا كەلىپ وتىر.

ساپار بارىسىندا تالدىقورعانداعى ەلەكتر تەحنيكالىق قۇرالدار شىعاراتىن «ينفراەنەرگو» جشس جۇمىسىمەن تانىستى. وتكەن جىلى «ينفراەنەرگو» جشس جالپى سوماسى 2 ملرد. تەڭگەنىڭ، ال وسى جىلدىڭ 1-توقسانىندا سوماسى 436,4 ملن. تەڭگەنىڭ ءونىمىن شىعارعان. بۇل تۋرالى رەسمي دەلەگاتسيا كاسىپورىندى ارالاۋى بارىسىندا ايتىلدى.

وبلىس اكىمى اماندىق باتالوۆتىڭ ايتۋىنشا، وبلىستا 1300 كاسىپورىن بولسا، سونىڭ 100-ءى ورتا جانە ءىرى نىساندار ساناتىندا ەكەن. وندا 79,8 مىڭ ادام جۇمىس ىستەيدى. ەلباسى تاپسىرماسىنا سايكەس وڭىردە تومەن جالاقى الاتىن 100 مىڭ ادامنىڭ جالاقىسى وسىرىلگەن. 2018 جىلى "ەڭبەك شارتىن جاساڭىزدار" رەسپۋبليكالىق اكتسياسى اياسىندا 904 جۇمىس بەرۋشى ءوز قىزمەتكەرلەرىمەن ەڭبەك قاتىناستارىن زاڭداستىرىپ، ولارمەن 2171 ەڭبەك شارتىن جاساسقان. وڭىردە وتكەن جىلى 25 520 جاڭا جۇمىس ورنىن اشۋ جوسپارلانسا، ءىس جۇزىندە 31 295 جۇمىس ورنى قۇرىلىپ وتىر. بيىلعى جىلى تاعى 25 660 جۇمىس ورنىن اشاۋ جوسپاردا بار كورىنەدى.

گ. ابدىقالىقوۆا وبلىستاعى ساپارى بارىسىندا ءوڭىر باسشىلارىنان ەكونوميكانىڭ ناقتى سەكتورىن، بيزنەس-قوعامداستىقتى مەملەكەتتىڭ الەۋمەتتىك ساياساتىن جۇزەگە اسىرۋدا بەلسەندى جۇمىس ىستەۋدى سۇرادى.

Abai.kz