ونىڭ ايتۋىنشا، تەگەران قۇراما شتاتتاردىڭ ارەكەتىنە جاۋاپ قاتۋدىڭ بىرنەشە نۇسقاسىن قاراستىرعان، كەلىسىمنەن شىعۋ - سول نۇسقالاردىڭ بىرىنە جاتادى.
اقش ءساۋىر ايىندا سانكتسيا تىزىمىنە يران قارۋلى كۇشتەرىنىڭ مارتەبەلى ءبولىمى - يسلام رەۆوليۋتسياسىن قورعاۋشىلار كورپۋسىن دا قوستى. ۆاشينگتون بۇل ءبولىمدى تەرروريستىك ارەكەتتەردى قولدادى دەپ ايىپتادى. بۇعان قوسا اقش مامىر ايىنان باستاپ يران مۇنايىن الۋعا بىرقاتار ەلدەرگە بەرگەن جەڭىلدىكتەرىنىڭ كۇشىن جويادى. ونىڭ ۇستىنە ۆاشينگتون يراننان مۇناي ساتىپ العان كەز كەلگەن سانكتسيا سالاتىنىن قاتاڭ ەسكەرتتى.
اقش پرەزيدەنتى دونالد ترامپ بۇنىڭ الدىندا يرانمەن اراداعى "يادرولىق كەلىسىمنەن" شىعاتىنىن مالىمدەدى. ۆاشينگتون تەگەراندى كەلىسىم شارتتارىن بۇزىپ، تاياۋ شىعىستاعى جاعدايدى تۇراقسىزداندىردى دەپ ايىپتادى. ەو ەلدەرى، رەسەي جانە قىتاي اقش-تىڭ بۇل ارەكەتىن قۇپتامادى.
يراننىڭ جاپپاي قىرىپ-جوياتىن قارۋدى تاراتپاۋ تۋرالى كەلىسىمنەن شىعۋ نيەتى يادرولىق قارۋعا ۇمتىلماۋ جاۋاپكەرشىلىگىنەن باس تارتاتىندىعىن كورسەتەدى.
Abai.kz
