"بۇگىن ميتينگ بولدى، نەگە سونى جازبايسىڭدار"; "جۇرت قامالىپ جاتسا، نەگە ءماز بوپ وتىرسىڭدار؟"...

ءبىز ءوزى قىزىق حالىقپىز. وزىمىزبەن بىردەي ويلامايتىن، قۋانبايتىن، قايعىرمايتىن ادامدى بىردەن بارريكادانىڭ ارعى بەتىنە "اتىپ" جىبەرەمىز. كەز كەلگەن ماسەلەگە پىكىر ءبىلدىرۋ مىندەتىن ەشكىم، ەشكىمگە جۇكتەي المايدى. اركىمنىڭ باسى بار. اركىمنىڭ تاڭداۋ ەركى، قۇقىعى بار.

جەكە ءوزىم نە ىستەي الامىن؟
سايلاۋعا بارىپ، داۋىس بەرەمىن. كىمگە ەكەنى ماڭىزدى ەمەس. ماڭىزدىسى - بار ەكەنىمدى، تاڭداۋىم بار ەكەنىن كورسەتۋ. "بارىمەن بازار", "بارعا قاناعات", بار ۇمىتكەردىڭ ىشىنەن تاڭدايمىن. ويتكەنى بۇل قادامىم بۇگىن ءتيىمسىز بولسا دا، كەلەشەكتە جەمىسىن بەرەدى.

قولىمنان كەلەتىن كومەك - وسك تالاپتارىنا ساي مالىمەتتەرىمدى جىبەرۋ ارقىلى ءبىر "قول" بولسا دا قوسۋ. جانە ونى ميتينگىگە دەيىن-اق جاساپ قويدىم.
ميتينگىگە بارمايمىن. ويتكەنى ونىڭ ارتىندا جاۋاپكەرشىلىك بار ەكەنىن بىلەمىن. شىققاندارعا قاتىستى ەشتەڭە ايتپايمىن. اركىم ءوز ءومىرىنىڭ قوجاسى. ولارعا ەشقانداي كومەك تە بەرە المايمىن (زاڭگەر ەمەسپىن، اقشالاي دا كومەك بەرە المايمىن).

P.S. 2000-جىلدارى، اق قار كوك مۇزدا ميتينگىگە شىعاتىن كەزدەردە مەن دە شىقپاي، ۇيىندە جاتاتىندارعا جىنىم كەلەتىن...
P.S.S. ءبىر كەزدەرى ءابليازوۆتى دا قولداعانبىز. تۇرمەدەن شىققاندا كوزىمىزگە جاس العانبىز. بىراق ول كەزدەگى ءابليازوۆ پەن قازىرگى ءابليازوۆ ءبىر ەمەس. ماقسات-مۇددەسى دە مۇلدەم باسقا.

جۇلدىز ءابدىلدانىڭ facebook پاراقشاسىنان

Abai.kz