قازاقستاندا ءتۇرلى ساياسي شارالارعا بەلسەنە قاتىساتىن 6 پارتيا بار. ولار: “Nur-Otan”، “اقجول”، “قازاقستان كوممۋنيستىك حالىق پارتياسى”، “بىرلىك”، “اۋىل” جانە “قازاقستاننىڭ جالپى ۇلتتىق سوتسيال-دەماوكراتيالىق پارتياسى”. ءبىز وسى التى پارتيالاردىڭ ىشىندەگى “اۋىل” پارتياسىنا توقتالماقپىز.

پارتيا 2015 جىلدىڭ 5 قىركۇيەگىندە «اۋىل» قازاقستان سوتسيال-دەموكراتيالىق پارتياسىمەن قازاقستان پاتريوتتار پارتياسىنىڭ بىرىگۋى ناتيجەسىندە قۇرىلعان. توراعاسى – قر پارلامەنت سەناتىنىڭ دەپۋتاتى ءالي ابدىكارىمۇلى بەكتاەۆ.  «ساياسي پارتيالار تۋرالى» زاڭعا سايكەس، پارتيانىڭ بارلىق وبلىستاردا جانە رەسپۋبليكالىق ماڭىزى بار استانا مەن الماتى قالالارىندا فيليالدارى بار.

بىرىككەننەن كەيىنگى ۋاقىتتىڭ تىعىزدىعىنا قاراماستان، پارتيا پارلامەنتتىك جانە ءماسليحات دەپۋتاتتارىنىڭ سايلاۋىنا قاتىستى. 2016 جىلعى سايلاۋ قورىتىندىسى بويىنشا «اۋىل» حدپپ-نان بارلىق دەڭگەيدەگى ماسليحاتتارعا 38 دەپۋتات سايلاندى.

«اۋىل» پارتياسى اۋىل شارۋاشىلىعى جانە اگروونەركاسىپ كەشەنى سالاسىنداعى كەڭ عىلىمي الەۋەتتى بىرىكتىرەدى. سونىڭ ىشىندە 13 مامانداندىرىلعان عىلىمي-زەرتتەۋ ينستيتۋتتارى جانە ولاردىڭ باسشىلارى، عىلىم كانديداتتارى مەن دوكتورلارى، عىلىمي قىزمەتكەرلەر بار. سوندىقتان، پارتيا، اۋىل شارۋاشىلىعىن دامىتۋعا ارەكەت جاساعان مەملەكەتتىك ورگاندارعا كومەك كورسەتۋدى ءوزىنىڭ مىندەتى دەپ سانايدى.
اۋىل تۇرمىس-تىرشىلىگى، اۋىل شارۋاشىلىعى، اۋىل تۇرعىندارىنىڭ الەۋمەتتىك ءال-اۋقاتى ماسەلەلەرىن شەشۋ پارتيا قىزمەتىنىڭ نەگىزگى باعىتى بولدى. بۇگىنگى كۇنى شامامەن 8 ملن ادام، نەمەسە حالىقتىڭ 45% اۋىلدىق جەرلەردە ءومىر سۇرەدى. سوندىقتان اۋىل جانە اگروونەركاسىپتىك كەشەن، ەلدىڭ تولىق اۋقىمدى جاڭعىرتۋىن جۇزەگە اسىرۋدا ەرەكشە ورىن الادى.

پارتيا ازاماتتاردىڭ ءومىر ءسۇرۋ دەڭگەيىن جاقسارتۋدى، قوعامدى ودان ءارى دەموكراتيالاندىرۋعا باعىتتالعان ەكونوميكالىق جانە ساياسي رەفورمالاردى جانە ەكونوميكانىڭ بارلىق سەكتورلارىندا اقىلعا قونىمدى ىسكەرلىك قارىم-قاتىناستى جۇزەگە اسىرۋعا قولداۋ كورسەتۋدى، اۋىل ەڭبەككەرلەرىنىڭ مۇددەلەرىن قورعاۋدى، مەملەكەتتىك رەتتەۋ جانە اۋىل شارۋاشىلىعى سەكتورىن قولداۋدى، سونداي-اق حالىقتىڭ پاتريوتتىق تاربيەسىن قالىپتاستىرۋدى ءوز جۇمىسىنىڭ باستى باعىتتارى رەتىندە قاراستىرادى.

«اۋىل» حالىقتىق-دەموكراتيالىق پاتريوتتىق پارتياسىن بۇگىنگى تاڭدا الاڭداتىپ وتىرعان ماسەلەلەر: جەردى ءتيىمدى پايدالانۋ ماسەلەسى; قازىرگى زامانعى يننوۆاتسيالىق تەحنولوگيالاردى از قولدانۋ; مال شارۋاشىلىعىنداعى جاڭا تۇقىمدى ويلاپ تاۋىپ، دامىتۋ; اگرارلىق سەكتوردى دامىتۋعا عىلىمي اقپارات جانە عىلىمي جەتىستىكتەردى تولىق دەڭگەيدە پايدالانۋ ماسەلەلەرى.

اۋىلدىڭ ەڭ وزەكتى ماسەلەلەرىن كەشەندى تۇردە شەشۋ ءۇشىن پارتيا، «اۋىل ينفراقۇرىلىمى» اتتى اۋىلدىق جەرلەردى كەشەندى دامىتۋ جانە اۋىلدىق ەلدى-مەكەندەردىڭ الەۋمەتتىك جانە ينجەنەرلىك ينفراقۇرىلىمىنىڭ دامۋىن قامتاماسىز ەتۋدى قاراستىراتىن مەملەكەتتىك باعدارلاماسىن ازىرلەپ، ىسكە اسىرۋ قاجەت دەپ سانايدى.

«اۋىل» پارتياسى وزگە ساياسي كۇشتەر سەكىلدى، قوعامدا بولىپ جاتقان ءتۇرلى داۋ جانجالداردى وزىنە ارزان ساياسي ۇپاي جيناۋ ءۇشىن پايدالانبايدى، پارتيانى مازالايتىن باستى ماسەلە – تۇراقتى تابىس، ساپالى مەديتسينالىق قىزمەت كورسەتۋ، قولايلى پاتەر، ازاماتتاردىڭ قۇقىق مەن بوستاندىقتارىنىڭ قورعالۋى، جانە جەكە قاۋىپسىزدىگىنىڭ قامتاسىز ەتىلۋى. ەڭبەك نارىعىنىڭ تيىمدىلىگىن ارتتىرۋ، ەڭبەكپەن قامتۋ مەملەكەتتىك باعدارلامالارىنا تۇرمىسى تومەن، جۇمىسسىز ادامداردى كوبىرەك تارتۋ ماسەلەسى پارتيا ءۇشىن وتە وزەكتى بولىپ تابىلادى.

پارتيانىڭ باستى قۇندىلىقتارى - رۋحانيلىق، ادالدىق، تەڭدىك، ىنتىماقتاستىق. پارتيانىڭ ماقساتى- جاحاندانۋ جولىنا ءتۇسىپ، بارلىق جاڭا تەحنولوگيالارعا ەسىگىن ايقارا اشقان، سويتە تۇرا ءوزىنىڭ ۇلتتىق رۋحىن، مادەني-رۋحاني الەۋەتىن، ءداستۇرىن، ءتىلىن، ءدىنىن ساقتاپ قالعان، سونىمەن قاتار ءاربىر ازاماتى جوعارى دارەجەدە ءومىر ءسۇرىپ جاتقان ەركىن، مىقتى، دامىعان قازاقستاندى تۇرعىزۋعا اتسالىسۋ.

ءاربىر ساياسي پارتيا ءۇشىن ءبىر جەردە شابانداپ قالماي، ءاربىر ايماقتا، ورتادا، ءوز قولداۋىنا يە بولۋ ماڭىزدى. سوندىقتان قازىرگى تاڭدا پارتيادا ءوز الەۋەتىن ارتتىرۋ، ءوز مۇشەلەرىنىڭ جانە جاقتاستارىنىڭ قاتارىن كوبەيتۋ پروتسەسسى ءجۇرىپ جاتىر. وسى ماقساتتا حالىقتىڭ بارلىق توپتارى اراسىندا، قوعام ءۇشىن وزەكتى تاقىرىپتاردى قوزعاۋ ارقىلى جوسپارلى جۇمىستار جالعاسىپ جاتىر.

جۋىردا پارتيا «اۋىلدىڭ الەۋمەتتىك-ەكونوميكالىق ماسەلەلەرى»، «قازاقستاننىڭ ەكسپورتتىق الەۋەتىن ارتتىرۋ باعىتىندا اۋىلشارۋاشىلىق ءوندىرىسىن دامىتۋ»، «جەر رەسۋرستارىن ءتيىمدى پايدالانۋ اۋىلشارۋاشىلىق ونىمدەرىنىڭ ءوندىرىسىن دامىتۋ نەگىزى»، «ديپلوممەن اۋىلعا» جانە ت.ب. تاقىرىپتارعا دوڭگەلەك ۇستەلدەر وتكىزۋدى جوسپارلاپ وتىرعان كورىنەدى.

Abai.kz