بۇگىن ءماجىلىس توراعاسىنىڭ ورىنباسارى گۇلميرا يسيمباەۆا جانە الەۋمەتتىك-مادەني دامۋ كوميتەتىنىڭ توراعاسى گۇلنار يكسانوۆا «Nur Otan» پارتياسى الماتى قالالىق فيليالىندا كوپ بالالى انالار قوعامدىق ۇيىمدارىنىڭ كوشباسشىلارىن قابىلدادى.

ءماجىلىس ۆيتسە-سپيكەرى ءوز سوزىندە تۇڭعىش پرەزيدەنت - ەلباسى نۇرسۇلتان ءابىشۇلى نازارباەۆتىڭ الەۋمەتتىك باستامالارىنىڭ، اسىرەسە پارتيانىڭ جاڭا جوباسى - «باقىتتى وتباسى» ۇلتتىق جوباسىنىڭ اياسىندا تابىسى تومەن كوپبالالى وتباسىلارىنا ناقتى قولداۋ كورسەتىلەتىنىن ەرەكشە اتاپ ءوتتى. سونىمەن بىرگە ماڭىزدى الەۋمەتتىك باستامالارىنىڭ بارلىعى زاڭ تۇرعىسىنان رەتتەلەتىنىن جەتكىزدى.

15 مىڭعا جۋىق كوپبالالى وتباسى، ونىڭ ۇشتەن ءبىر بولىگى، ياعني 5 مىڭىڭ تۇرمىسى تومەن وتباسى قۇرايتىن الماتىدا «ءبىر تەرەزە قاعيداتى» بويىنشا جۇمىس ىستەيتىن رەسپۋبليكاداعى العاشقى ورتالىق نىسانى اشىلعان. مۇندا كومەككە مۇقتاج ايەلدەرگە ءتيىستى جاردەم كورسەتىلەدى. سونداي-اق، ورتالىقتا جەكە بالالار بولمەلەرى بار جانە بۇل ورتالىق بىرقاتار كوپبالالى انالاردى جۇمىسپەن قامتىعان. مۇندا كۇنىنە 50-60 ادام جاردەم سۇراپ كەلەدى. ەكى ايدىڭ ىشىندە مۇندا 1086 كوپبالالى وتباسىنا كومەك كورسەتىلدى.

اڭگىمە بارىسىندا المالى، تۇركسىب، مەدەۋ اۋداندىق كوپبالالى انالار ۇيىمدارىنىڭ وكىلدەرى ەلباسىنا جاسالىپ جاتقان  قامقورلىق ءۇشىن ريزاشىلىقتارىن ءبىلدىردى.

كەزدەسۋ بارىسىندا دەپۋتاتتارعا ءوز ۇسىنىستارى مەن پىكىرلەرىن جەتكىزدى.

ءوز كەزەگىندە گۇلميرا يسيمباەۆا حالىقتىڭ، ونىڭ ىشىندە كوپبالالى انالاردىڭ ماسەلەسىن شەشۋ بارىسىندا كەرى بايلانىستى ىسكە قوسۋ ارقىلى «Nur Otan» پارتياسى ارقاشان قولداۋ كورسەتەتىنىن جانە ايتىلعان ۇسىنىستاردىڭ دەپۋتاتتار تاراپىنان ەسكەرىلەتىنىن ايتتى.

Abai.kz