قازاقستان جەكپە-جەك سپورتى قاۋىمداستىعىنىڭ پرەزيدەنتى فارحاد امانقۇلوۆ پەن حالىقارالىق سپورت فەدەراتسيالارىنىڭ باس قاۋىمداستىعىنىڭ پرەزيدەنتى رافاەل چيۋللي كەلىسىم-شارتقا قول قويدى.

ويىندار نۇر-سۇلتاندا 2021 جىلى 3-9 مامىردا وتەدى. جارىستار قالاداعى الاۋ مۇز سارايى، سارىارقا ۆەلودرومى مەن جەكپە-جەك سارايىندا بولادى. قازاقستان دەلەگاتسياسى جەكپە-جەك سارايىنىڭ جارىس الدىندا كۇردەلى جوندەۋدەن وتەتىنىن مالىمدەدى. ويىندار باعدارلاماسىنا بوكس، كۇرەس، دزيۋدو، سەمسەرلەسۋ، ايكيدو، كاراتە، كيكبوكسينگ، سامبو، مۋايتاي، تاەكۆوندو، ۋشۋ سىندى سپورت تۇرلەرى ەنگەن.

جارىسقا ءبىر جىل قالعاندا ەلدە ويىندارعا ارنالعان فەستيۆال باستالادى. بۇل شارا قازاقستاننىڭ 14 ايماعىن قامتيدى.

World Combat Games بيىل تايپەيدە وتەدى. ال 2013 جىلى سانكت-پەتەربۋرگ قالاسىنداعى ويىنداردا قازاقستان ەكى قولا مەدال العان.

قازاقستان وسىعان دەيىن 2011 جىلى قىسقى ازيا ويىندارىن، 2017 جىلى قىسقى ۋنيۆەرسيادانى ۇيىمداستىرعان.

Abai.kz