استانادا جاپ-جاس وتباسىلار بالالارىن ۇنەمى ورىسشا سويلەتۋگە اسا قۇمار ەكەنىن كورىپ، سولاردىڭ ءبارىن قالادا ءوسىپ، ورىسشا ءبىلىم العاندار ەكەن دەپ ويلايتىنمىن. سويتسەم، مۇلدە ولاي ەمەس ەكەن.

تاۋەلسىزدىك جىلدارىندا وتاۋ قۇرىپ، بالالى-شاعالى بولعان الگى ورىسشىلدار كورىپ بەرەيىن دەسەڭ دە، ءبىر ورىسى جوق اۋىلدا وسكەن، مەكتەپتى، ۋنيۆەرسيتەتتى قازاقشا وقىپ بىتىرگەندەر بولىپ شىقتى. ءتىپتى، ولاردىڭ ورىس تىلىنەن ساۋاتتارى وتە تومەن ەكەندىكتەرىن دە اڭعاردىم. ورىسشا ءبىر سويلەمدى قاتەسىز قۇرىپ جازۋعا قابىلەتسىزدىكتەرى، تۇرمىستىق ءبىراۋىز ءسوزدىڭ ءوزىن تۇسىنىكتى ەتىپ ايتا المايتىندارى ءتىپتى، تاڭعالدىردى.

سوندا، «قوي كورمەگەن قۋالاپ ولتىرەدى» دەمەكشى، ءوزى ۇيرەنبەگەن جات ءتىلدى بالاسىنا تىقپالاپ، باس قاتىرىپ جۇرگەن بۇل «مىرقىمبايدىڭ قىزدارىنىكى» نە اۋرەشىلىك؟

ال، قالادا وسكەن، ورىسشا وقىعان جاستاردىڭ اراسىندا كەرىسىنشە، انا ءتىلىن ۇيرەنۋگە تىرىساتىن، اكتسەنتپەن بولسا دا بالالارىنا قازاقشا سويلەۋگە دەن قوياتىندار بارشىلىق ەكەن. تۇبىندە سولار ادام بولادى.

قۋاندىق شاماحايۇلىنىڭ facebook پاراقشاسىنان

Abai.kz