سەيسەنبى, 25 ماۋسىم 2019
1557 12 پىكىر 17 مامىر, 2019 ساعات 10:17

قاسىم-جومارت توقاەۆ بۇۇ دەلەگاتسياسىمەن كەزدەستى

مەملەكەت باسشىسى ازيا جانە تىنىق مۇحيتىنا ارنالعان ەكونوميكالىق جانە الەۋمەتتىك كوميسسيانىڭ اتقارۋشى حاتشىسى ارميدا اليسدجابانا باستاعان بۇۇ دەلەگاتسياسىمەن كەزدەستى.

– سىزدەرمەن نۇر-سۇلتان قالاسىندا كەزدەسكەنىمە قۋانىشتىمىن. سىزدەردىڭ بۇۇ اتىنان كەلىپ، استانا ەكونوميكالىق فورۋمىنا قاتىسقاندارىڭىز جيىننىڭ تابىستى وتۋىنە سەپتىگىن تيگىزەدى. ۇيىمىڭىزدىڭ نەگىزگى ماقسات، مىندەتتەرىن جاقسى بىلەمىن. مەن قازاقستان رەسپۋبليكاسىنىڭ سىرتقى ىستەر ءمينيسترى قىزمەتىندە بولعان كەزىمدە بىرنەشە جيىنىنا قاتىسقان بولاتىنمىن. قازاقستان ۇيىممەن اشىق جان-جاقتى ءىس-قيمىلعا دايىن، كەز كەلگەن شاراسىنا قاتىسۋعا ءازىر، – دەدى قاسىم-جومارت توقاەۆ.

ارميدا اليسدجابانا قازاقستان پرەزيدەنتىنە استانا ەكونوميكالىق فورۋمىنا شاقىرعانى ءۇشىن بۇۇ دەلەگاتسياسىنىڭ اتىنان العىس ءبىلدىرىپ، قازاقستاننىڭ باستامالارىنا قولداۋ بىلدىرەتىنىن جەتكىزدى.

كەزدەسۋگە بۇۇ باس حاتشىسىنىڭ كومەكشىسى، ەۋروپا جانە تمد ەلدەرى بويىنشا بۇۇ دامۋ باعدارلاماسىنىڭ ايماقتىق بيۋرو ديرەكتورى م.ەگگەر، «بۇۇ – ايەلدەر» ۇيىمى اتقارۋشى حاتشىسىنىڭ ورىنباسارى و.رەگنەر، بۇۇ-نىڭ قازاقستان رەسپۋبليكاسىنداعى تۇراقتى ۇيلەستىرۋشىسى ن.شيمومۋرا، ازيا جانە تىنىق مۇحيتىنا ارنالعان ەكونوميكالىق جانە الەۋمەتتىك كوميسسيانىڭ سولتۇستىك جانە ورتالىق ازيا ەلدەرى بويىنشا سۋبايماقتىق وفيس باسشىسىنىڭ مىندەتىن اتقارۋشى نيكولاي پوموششنيكوۆ قاتىستى.

Abai.kz

12 پىكىر