ءبارىمىز بىلەتىندەي 2019 جىلى 27 اقپان استانا قالاسىندا «نۇر وتان» پارتياسىنىڭ كەزەكتى XVIII سەزى ءوتتى. اتالعان سەزدە ەلباسى نۇرسۇلتان نازارباەۆ قازاقستاندىقتاردى الەۋمەتتىك-ەكونوميكالىق قامتاماسىز ەتۋ ماسەلەلەرىندە ماڭىزدى رولگە يە بىرقاتار مىندەتتەردى اتاپ ءوتتى. مەملەكەت باسشىسىنىڭ ەل حالقىنىڭ ەڭسەسىن كوتەرىپ، تۇرمىستىق ورەسىن كوتەرۋ ماقساتىندا العا قويعان ۇسىنىستارى كوپ كوڭىلىنەن شىققانى ءبىز ايتپاساقتا بەلگىلى.

بۇعان قوسا ن. ءا. نازارباەۆتىڭ «بەس الەۋمەتتىك باستاماسىندا» دا جۇمىسكەرلەردىڭ الەۋمەتتىك-ەكونوميكالىق ورەسىن جوعارلاتۋ باستى نازاردا ۇستاۋ ايتىلعان. كاسىپوداقتار فەدەراتسياسى ەلباسىنىڭ باستامالارىن قولداۋ جانە جۇزەگە اسىرۋعا كۇش سالىپ كەلەدى. سول ماقساتتا اتالعان ۇيىم جۇمىسكەرلەردىڭ الەۋمەتتىك-ەكونوميكالىق قۇقىقتارى مەن مۇددەلەرىن قورعاۋ; الەۋمەتتىك شيەلەنىستەردىڭ الدىن الۋعا باعىتتالعان ءتۇرلى شارالار جۇرگىزۋگە دايىن.

ەل حالقىنىڭ ماڭىزدى بولەگى بولعان جۇمىسشىلار قاۋىم ءۇشىن ەڭبەكاقىنىڭ ماڭىزى زور. قوعامدا قالىپتى ءومىر ءسۇرىپ جانە وتباسىن اسىراۋ ءۇشىن سونىمەن قاتار مادەني جانە رۋحاني كەپىلدىكتەرگە يە بولۋ ءۇشىن كەز-كەلگەن ادام الەۋمەتتىك كەپىلدەمەلەرگە يە بولى كەرەك. سول ءۇشىن جۇمىسشىلار قاۋىمىن كاسىپوداق فەدەراتسياسى اركەز ءوز نازارىندا ۇستاپ كەلەدى.

سول قاتاردا بيۋدجەت سالاسى قىزمەتكەرلەرىنىڭ دە ەڭبەكاقىسى نەمەسە الەۋمەتتىك كەپىلدەندىرۋ كورسەتكىشى كوڭىل كونشىتەرلىك ەمەس. شىنىن ايتقاندا رەسپۋبليكا بويىنشا ورتاشا ايلىق ەڭبەكاقى دەڭگەيىنەن الدەقايدا تومەن. وسىعان وراي ەلىمىزدە سوڭعى جىلدارى بيۋجەت سالاسىن دامىتۋعا ارنالعان بىرقاتار باعدارلامالار قابىلدانۋدا.

ءبىز جوعارىدا كاسىپوداقتار فەدەراتسياسى ەلدەگى جۇمىسشىلار قاۋىمىنىڭ جانە وزگە دە قىزمەتكەرلەردىڭ ماسەلەسىن باستى نازاردا ۇستاپ كەلە جاتقانىن ايتتىق. سول ءسوزىمىزدىڭ دالەلى رەتىندە اتالعان فەدەراتسيانىڭ ەل ۇكىمتىنە بيۋدجەت سالاسى قىزمەتكەرلەرىنىڭ اي سايىن الاتىن ەڭبەكاقىسىن ەسەپتەۋ كورسەتكىشىن قايتا قاراۋ كەرەك ەكەنىن ايتىپ، ارنايى ۇسىنىس جاساعانىن ايتا كەتۋىمىز كەرەك.

ەرەكشە ايتا كەتەرلىگى، ەل ۇكىمەتىنىڭ 2015 جىلعى 31 جەلتوقسانداعى № 1193 قاۋلىسى بويىنشا ەلىمىزدەگى كەز-كەلگەن سالا قىزمەتكەرلەرىنىڭ ەڭبەكاقى ەسەپتەۋ ءتارتىبى مەن ەرەجەسى بەكىتىلىپ كەلەدى. انىقىراق ايتقاندا، مادەنيەت جانە سپورت سالاسى بولسىن، قازىنالىق كاسىپورىنداردا قىزمەتكەرلەرى بولسىن، ۇيىمداستىرۋشىلىق-قۇقىقتىق فورمادا قۇرىلعان مەملەكەتتىك مەكەمەلەر بولسىن ءتىپتى ءبىلىم سالاسىنداعى قىزمەتكەرلەردىڭ دە ايلىقتارى وسى قاۋلىعا ساي رەتتەلەدى.

شىنىن ايتقاندا، اتالعان قاۋلىعا ساي بارلىق قىزمەتكەردىڭ ەڭبەكاقى كورسەتكىشىن ەسەپتەۋ ءبارىن ءبىر شىبىقپەن ايداعانداي اسەر قالدىراتىنى شىن. وسىنى ەسكەرگەن قازاقستان رەسپۋبليكاسى كاسىپوداقتار فەدەراتسياسى مەن وزگە دە بيۋدجەت سالاسىنىڭ سالالىق كاسىپوداقتارى ون جىلدان بەرى بازالىق  قىزمەتاقىنى تومەنگى كۇنكورىس دەڭگەيىنە نەمەسە ەڭ تومەنگى جالاقى دەڭگەيىنە ساي وزگەرتۋ قاجەتتىلىگى تۋرالى ايتىپ ءجۇر. بۇل وتىنىشتەر ناتيجەسىز دە بولعان جوق. بىرنەشە مارتە جاسالعان ۇسىنىس نەگىزىندە بازالىق لاۋازىمدى ەڭبەكاقى بەلگىلى مولشەردە ءوستى.

بازالىق لاۋازىمدى ەڭبەكاقى بەلگىلى مولشەردە ءوستى دەپ وتىرمىز. الايدا ونىڭ دەڭگەيى كوتەرلىگەننەن بەرى دە سەگىز جىلعا جۋىق ۋاقىت ءوتىپ كەتتى. سودان بەرى ءالى وسكەن جوق. دەمەك، وسىدان سەگىز جىل بۇرىنعى دەڭگەيمەن سالىستىرعاندا بەلگىلى مولشەردە ارتتا قالۋ بار. ءتىپتى ەڭ تومەنگى كۇنكورىس دەڭگەيىنىڭ تەڭ جارىمىنداي عانا بولىپ وتىر. باسقاشا ايتقاندا، قازاقستان حالقىنىڭ ورتاشا جالاقى كورسەتكىشىنەن كوپ تومەن بولىپ وتىر. ەلباسىنىڭ اركەز قىزمەتكەرلەردىڭ ەڭبەكاقسىن جوعارلاتۋ جايلى ايتىپ جۇرەتىنى تەگىن ەمەس.

ءبارىمىز بىلەتىندەي، سوڭعى جىلدارى حالىقارالىق قارجىلىق داعدارىس جانە وزگە دە سەبەپتەردەن ءتۇرلى تاۋارلار مەن اقىلى قىزمەتتەردىڭ قۇنى تولاسسىز ءوسىپ بارادى. وسىنداي جاعدايدا بيۋدجەتتىك سالا قىزمەتكەرلەرىنىڭ وسىدان جەتى جىل بۇرىنعى نورمامەن ەڭبەكاقى الىپ وتىرۋى ءسال قيسىنسىز جاعداي. سول ءۇشىن ولاردىڭ ەكونوميكالىق دەڭگەيىن اتتىرۋ جانە جالپى تۇراقتىلىقتى ساقتاۋدى قامتاماسىز ەتۋ ماقساتىندا كاسىپوداقتار فەدەراتسياسى ەل ۇكىمەتىنە جوعارداعى ۇسىنىستى ايتىپ وتىر.

Abai.kz