ەلباسى نۇرسۇلتان نازارباەۆتىڭ قازاقستان حالقىنا ارناعان “پرەزيدەنتتىڭ بەس الەۋمەتتىك باستاماسى” اتتى ۇندەۋى ەل الەۋەتىنىڭ نەگىزگى باعىتىنا اينالدى. حالىقتىڭ الەۋمەتتىك ماسەلەسىن شەشۋگە باعىتتالعان اتالمىش جوبا قوعام تاراپىنان ۇلكەن قولداۋعا يە بولدى. ۇندەۋدىڭ ەكىنشى باعىتى – “جالاقىسى تومەن جۇمىسشىلاردىڭ ەڭبەكاقىسىن كوبەيتۋ ءۇشىن ولاردىڭ سالىق جۇكتەمەسىن ازايتۋ” دەپ اتالعانى بەلگىلى.

بۇل ۇندەۋ جاريالانعان سوڭ، وڭىرلەردە دە ءتۇرلى باستامالار قولعا الىنىپ، حالىقتىڭ الەۋمەتتىك ماسەلەسى بۇرىنعىدان دا كوبىرەك ماڭىزعا يە بولدى. وسىنى نەگىزگە الا وتىرىپ، بيىل اتىراۋ وبلىسىندا 255 مىڭ جالاقىسى تومەن بيۋدجەت سالاسى قىزمەتكەرلەرىنىڭ ايلىعى كوتەرىلەتىن بولادى.

ماسەلەن، وڭىردەگى ورتا مەديتسينا قىزمەتكەرى وسى ۋاقىتقا دەيىن 76 395 تەڭگە ايلىق السا، الداعى ۋاقىتتا بۇل قارجى 99 313 تەڭگەگە وسەدى. ال، كىشى مەديتسينا قىزمەتكەرىنىڭ جالاقىسى بۇگىنگە دەيىن 48 861 تەڭگەنى قۇراسا، ەندى ول اقشا 64 520 تەڭگەگە ۇلعايماق. بۇل ءۇشىن رەسپۋبليكالىق بيۋدجەتتەن قوسىمشا قارجى قاراستىرىلۋى قاجەت.

سونداي-اق، تەگىن مەديتسينالىق كومەكتىڭ كەپىلدى كولەمىنە باسىمدىقتار بەرىلمەك. ولارعا: انا مەن بالا دەنساۋلىعىن ساقتاۋ، جەدەل كومەك كورسەتۋ جانە قارقىندى تەراپيا، مەديتسينالىق-سانيتاريالىق العاشقى كومەك، الەۋمەتتىك ماڭىزى بار اۋرۋلار، (ياعني، ونكولوگيا، تۋبەركۋلەز، پسيحيكالىق دەنساۋلىق) جاتادى.

سونىمەن قاتار، جالپى پراكتيكادا جۇرگەن دارىگەرلەر مەن تەراپەۆت، پەدياترلاردىڭ جالاقىسى 116 782 تەڭگەدەن 151 816  تەڭگەگە وسپەك. ال، اكۋشەر-گينەكولوگتار مەن پەدياتر، نەونتولوگتاردىڭ ايلىعى 106 164 تەڭگەدەن 138 013 تەڭگەگە ۇلعايماق.

سونداي-اق، جەدەل كومەك كورسەتۋ قىزمەتكەرلەرى مەن انەستەزيولوگ- رەانيموتولوگتاردىڭ ايلىعى 108 885 تەڭگەدەن 141 512 تەڭگەگە كوبەيەدى. ونكولوگتار مەن فتيزياترلارعا، گەماتولوگتار، پسيحولوگتاردىڭ ايلىعى 100 945 تەڭگەدەن 131 229 تەڭگەگە وسەدى.

باسقا دا مەديتسينا قىزمەتكەرلەرىنە 86 929 تەڭگەدەن 113 008 تەڭگەگە دەيىن ارتتىرۋ جوسپارلانىپ وتىرعان كورىنەدى.

ايتا كەتەيىك، اتالعان تولەمدەردىڭ بارلىعى الداعى 1-شىلدەدەن باستاپ ىسكە اسىرىلاتىن بولادى.

وسىلايشا، ەلباسىنىڭ بەس الەۋمەتتىكە جوباسىنىڭ نەگىزىندە مۇنايلى ولكەنىڭ اق حالاتتى ابزال جاندارىنىڭ ەڭبەگى باعالانىپ، ولاردى الەۋمەتتىك جاعىنان قولداۋ ارتپاق. بۇل ءوز كەزەگىنەدە ءوڭىر تۇرىندارىنىڭ ساپالى مەديتسينالىق كومەك الۋىنا دا وڭ اسەر بەرەدى دەپ سەنەمىز. سونىمەن اتار، وسىنداي بيۋدجەت سالاسىنداعى ءار قىزمەتكەردى قولداۋ جۇمىستارى الداعى ۋاقىتتا دا قارقىن الا بەرۋى ءتيىس. ەلباسى تاپسىرماسىنىڭ نەگىزى دە وسى ەكەنىن ءوڭىر باسشىلىعى ەستەن شىعارماس دەيمىز.

Abai.kz