باسىلىمنىڭ اقپاراتىنا سايكەس، الەۋمەتتىك جەلىگە جارناما بەرگەن ادامدار جايلى مالىمەت جاريالانعان. ولاردىڭ ىشىندە الەمگە تانىمال ادامدار مەن بەلگىلى بلوگەرلەر بار.
ولار تۋرالى مالىمەت ءۇندى كومپانياسىنىڭ بازاسىنا تۇسكەن. ونىڭ قىزمەتكەرلەرى بۇل مالىمەتتى ساقتاپ، قۇپيا ءسوزسىز Amazon Web Services-كە ەنگىزگەن.
جاريالانعان اقپاراتتا قولدانۋشىلاردىڭ اتى-ءجونى، جازىلۋشىلار سانى، ۆەريفيكاتسياسى، تۇراتىن جەرى مەن تەلەفونى جانە ەلەكتروندىق پوشتاسى كورسەتىلگەن.
TechCruch بۇل اقپاراتتى كورگەننەن كەيىن ءۇندى كومپانياسىنا حابارلاسقانىن، ولار بىردەن اشىق مالىمەتتى جاپقانىن ايتادى.
ءساۋىر ايىندا Facebook كومپانياسىنىڭ اكتسيونەرلەرى باسقارما باسشىسى مارك تسۋكەربەرگتى وتستاۆكاعا كەتۋدى تالاپ ەتتى. ولاردىڭ ايتۋىنشا، قولدانۋشىلار جايلى مالىمەتتەر جاريالانىپ كەتكەننەن كەيىن Facebook اكتسياسىنىڭ قۇنى ءتۇسىپ كەتكەن.
Abai.kz
