2019 جىلى 23 مامىردا جاستار جىلى اياسىندا ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىندە (ق.ساتباەۆ كوشەسى 2, باس عيمارات، «گۋميلەۆ» اتريۋمى، ساع.11.00 ) جاس عالىمداردىڭ رەسپۋبليكالىق كونگرەسى وتەدى.

كونگرەسس ماقساتى:

ەلباسىنىڭ مەملەكەتتىك باعدارلامالارىنىڭ نەگىزگى تۇجىرىمدامالارىن ىسكە اسىرۋ شەڭبەرىندە ءتۇيىندى پروبلەمالاردى يننوۆاتسيالىق يندۋستريالاندىرۋ ارقىلى جاڭعىرتىپ، ەلدىڭ ەكونوميكالىق جاعدايىن جاقسارتۋ;

قازاقستاننىڭ يننوۆاتسيالىق دامۋ جولىن جاڭا ساتىعا كوتەرۋ;

وزىق تەحنولوگيالىق باعىتتار بويىنشا تاجىريبە الماسۋ;

جوو-نىڭ عىلىمي قىزمەتىنىڭ جاڭا الەۋەتىن كورسەتۋ.

مىندەتتەرى:

الەمدىك ساياسي، تەحنيكالىق-ەكونوميكالىق ماسەلەلەر كونتەكستىندە جاھاندىق سىن-قاتەرلەر ماسەلەلەرىن قاراستىرۋ.

جاس عالىمداردى بەلسەندى تارتۋ ارقىلى ەل دامۋىنىڭ يننوۆاتسيالىق جولدارىن كەڭەيتۋ.

قازاقستان عىلىمىنىڭ زاماناۋي سىن-قاتەرلەرىن تالقىلاۋ.

مەملەكەت وتاندىق عىلىم الدىنا قويعان مىندەتتەردى شەشۋ ماقساتىندا كۇش-جىگەردى شوعىرلاندىرۋ.

جاستار كوممۋنيكاتسيالىق الاڭدارىن دامىتۋ.

تاجىريبە الماسۋدىڭ تيىمدىلىگىن، جاس عالىمداردىڭ وزەكتى يدەيالارىن ارتتىرۋ.

كاسىبي ىنتىماقتاستىقتى دامىتۋ.

ەلىمىزدىڭ تۇڭعىش پرەزيدەنتى – ۇلت كوشباسشىسى ن.نازارباەۆ العا قويعان مىندەتتەردى شەشۋدە دامۋ ۆەكتورلارىن انىقتاپ، قازاقستاننىڭ الەمنىڭ دامىعان 30 ەلىنىڭ قاتارىنا كىرۋى ءۇشىن ءتيىمدى ستراتەگيا قۇرۋ.

كونگرەستە عىلىم سالاسىن ودان ءارى جاڭعىرتۋ، عىلىمي-تەحنيكالىق زەرتتەۋلەردى كوممەرتسيالاندىرۋ، زەرتحانالاردى، زەرتتەۋ ينستيتۋتتارىن ماتەريالدىق-تەحنيكالىق رەسۋرستارمەن قامتاماسىز ەتۋ ماسەلەلەرىنە ەرەكشە نازار اۋدارىلاتىن بولادى.

ءىس-شاراعا ەلىمىزدىڭ جوعارى وقۋ ورىندارىنىڭ جاس، بەلگىلى عالىمدارى، قوعام جانە مەملەكەت قايراتكەرلەرى قاتىسادى.

ەۇۋ جاس عالىمدارىنىڭ ەلىمىزدىڭ عىلىمي ورتاسىندا سالماقتى ورنى بار. ءبىلىم الۋشى كونتينگەنتتىڭ 25 پايىزدان استامى عىلىمي-زەرتتەۋ جوبالارىنا تارتىلعان.

بۇگىنگى تاڭدا ەۇۋ جاس عالىمدارى ءوز جەتەكشىلەرىمەن بىرگە وتاندىق عىلىم ءۇشىن بەس باسىم باعىت بويىنشا عىلىمي جوبالارعا قاتىسادى: ءومىر تۋرالى عىلىم، ەنەرگەتيكا، شيكىزات پەن ءونىمدى تەرەڭ وڭدەۋ، اقپاراتتىق جانە تەلەكوممۋنيكاتسيالىق تەحنولوگيالار، ەلدىڭ زياتكەرلىك الەۋەتى.

مۇندا ستۋدەنتتىك عىلىمي قوعام، يننوۆاتسيالىق كاسىپكەرلىكتى قولدايتىن "Startup-جوبالار" ايماعى، بيزنەس-جوبالار دايىنداۋ مەن كونسالتينگتىك قىزمەت كورسەتۋ ورتالىعى جۇمىس ىستەيدى.  سونىمەن قاتار شاعىن يننوۆاتسيالىق كاسىپورىندار مەن ستارتاپتار قۇرىلۋدا.

سونىمەن قاتار، ەۇۋ رەيتينگ بويىنشا بىرنەشە جىل قاتارىنان الدىڭعى ورىندا: QS World University Rankings جانە Times Higher Education World University Ranking-دا دايەكسوز بويىنشا قازاقستاندىق جوعارى وقۋ ورىندارى اراسىندا 1 ورىن; حالىقارالىق عىلىمي مەتريكالىق دەرەكتەر بازاسىنا (Thomson Reuters, Web of Science, Scopus, Sci Dire) كىرەتىن يمپاكت - فاكتورلى جۋرنالدارداعى عىلىمي جاريالانىمداردىڭ سانى بويىنشا 1 ورىن; «2011-2015, 2017-1018 جىلدارداعى قازاقستاننىڭ ەڭ دايەكسوزدى عىلىمي ۇيىمدارى» نوميناتسياسىندا (Web of Science) جاس عالىمداردىڭ ەڭبەگى زور.

بۇدان باسقا، ۋنيۆەرسيتەت عالىمدارى عىلىمي جۋرنالداردىڭ ناتيجەلىلىگىنە ۇلكەن ۇلەس قوسادى. اتاپ ايتقاندا: «Scopus» حالىقارالىق بيبليومەتريالىق دەرەكتەر بازاسىندا: «Eurasian Mathematical Journal»، «Eurasian Journal of Mathematical and Computer Applications»، «ەۋرازيا فيزيكا جانە فۋنكتسيونالدىق ماتەريالدار جۋرنالى».

ەڭ تانىمال قازاقستاندىق عالىمدار دا وسىندا جۇمىس ىستەيدى، ال ولاردىڭ 30% - ىن جاس عالىمدار قۇرايدى.

Abai.kz