بۇگىن ەلباسى نۇرسۇلتان نازارباەۆتىڭ “پرەزيدەنتتىڭ بەس الەۋمەتتىك” باستاماسى اتتى قازاقستان حالقىنا، قازاق حالقىنا ارناعان ۇندەۋىنىڭ وڭىرلەردە ورىندالۋى تۋرالى از كەم ءسوز شىعارماقپىز. اتاپ ايتقاندا، 5 الەۋمەتتىك باستامانىڭ ء“اربىر وتباسىنا باسپانا الۋدىڭ جاڭا مۇمكىندىكتەرىن بەرۋ” دەپ اتالاتىن ءبولىمىنىڭ جەتىسۋ وڭىرىندەگى بەتالىسى تۋرالى جازامىز. اتالمىش مەملەكەتتىك باعدارلاما جەتىسۋلىقتارپ تاراپىنان ايرىقشا قولداۋ تاپقان ەدى.

بۇل ۇندەۋ، بۇل باعدارلاما - الەۋمەتتىڭ الەۋەتىن دامىتۋعا نەگىز بولعان ۇلكەن باستاما ەكەن داۋسىز.

دەمەك، قازاقستاننىڭ ءار ازاماتى وتباسىن قۇرىپ، باسپانالى بولۋعا ءتيىس. ول ءۇشىن مەملەكەت تاراپىنان بارلىق جاعداي جاسالعان. بۇل ءۇشىن ءار وڭىردە دە ىرگەلى ىستەر اتقارىلىپ جاتىر. سول جۇمىستاردىڭ ءبىرى الماتى وبلىسىندا دەپ ايتساق قاتەلەسپەيمىز. ماسەلەن، كەشە الماتى وبلىسىنىڭ ورتالىعى تالدىقورعان قالاسىندا قالا اكىمى عالىمجان ءابدىرايىموۆ الماتى وبلىسىنىڭ ورتالىعىندا جۇرگىزىلىپ جاتقان بىرنەشە قۇرىلىس نىساندارىن ارالادى.

ەڭ اۋەلى تالدىقورعان اكىمى “شىعىس” شاعىن اۋدانىندا سالىنىپ جاتقان جاڭا باسپانالاردىڭ قۇرىلىسىن بارىپ كوردى. ونداعى جۇمىسشىلاردىڭ ايتۋىنشا، “شىعىس” شاعىن اۋدانىنداعى قۇرىلىس جۇمىستارى كەلەسى ايدىڭ سوڭىنا دەيىن اياقتالاتىن كورىنەدى. قازىر مۇندا 20 پاتەرلىك باسپانانىڭ اۋلاسى جوندەلىپ، كوركەيتۋ جۇمىستارى ءجۇرىپ جاتقان كورىنەدى. بىراق، قالا اكىمى عالىمجان ءابدىرايىموۆتىڭ ايتۋىنشا، قۇرىلىس جۇمىستارىندا بىرقاتار كەمشىلىكتەر بار. ماسەلەن، ءۇيدىڭ كىرە بەرىسىندەگى جولداردىڭ تاستارىن دۇرىستاپ توسەۋ قاجەت. سونداي-اق، وتىرعىزىلعان جاس كوشەتتەردىڭ بويلارى تىم الاسا بولعان كورىنەدى. شاھار باسشىسى الداعى ۋاقىتتا وسى جاعىن ەسكەرۋ قاجەتتىگىن ەسكەرتتى.

تالدىقورعان اكىمى ەلباسىمىز نۇرسۇلتان ءابىشۇلى نازارباەۆتىڭ ۇسىنعان مەملەكەتتىك باعدارلامالارىنىڭ نەگىزىندە سالىنىپ جاتقان تاعى بىرنەشە  تۇرعىن ءۇي جۇمىستارىمەن تانىسقان. ولاردىڭ قاتارىندا تالدىقورعان قالاسىنداعى 7-ءشى شاعىن اۋداننىڭ باسپانا قۇرىلىسى دا بار. قازىرگى كەزەڭدە ول جەردە تاعى ءبىرشاما تۇرعىن ءۇي نىساندارى بوي كوتەرىپ كەلە جاتقان كورىنەدى. ەلباسىمىز نۇرسۇلتان ءابىشۇلى نازارباەۆتىڭ باستامالارى نەگىزىندە بوي كوتەرگەن نىسانداردىڭ ىشىندە 45 جانە 60 پاتەرلى باسپانا قۇرىلىسى دا بار. تالدىقورعان قالاسىنىڭ اكىمى عالىمجان رايىلۇلى جۇمىس ساپارى بارىسىندا ول نىساندارمەن دە تانىستى. اتالعان قۇرىلىس نىسانىندا قازىر 60 پاتەرلى تۇرعىن ءۇيدىڭ نەگىزگى جۇمىستارى اياقتالعان. وندا قازىر قابىرعا سىلاقتارى جۇرگىزىلىپ جاتقان كورىنەدى.

ەلباسىمىز نۇرسۇلتان ءابىشۇلى نازارباەۆتىڭ باستاماسى نەگىزىندە ءجۇرىپ جاتقان تاعى ءبىر قۇرىلىس نىسانى ول – وسى ۇيلەردىڭ جانىنداعى 45 پاتەرلى باسپانا قۇرىلىس. ول نىساننىڭ ازىرگە تەك ىرگەتاسى عانا قالانعان كورىنەدى. ەلباسىمىزدىڭ باستامالارى باياۋ ءجۇرىپ جاتقانىن كورگەن قالا باسشىسى جۇمىستى تەز ارادا اياقتاۋ ءۇشىن جۇمىس كۇشىن كوبەيتۋ كەرەك دەپ تاپسىرما بەردى. قازىر ول قۇرىلىس باسىندا نەبارى الپىس ادام عانا جۇرگەن كورىنەدى. ال، قۇرىلىسقا جاۋاپتى باستىق الداعى دۇيسەنبىدەن باستاپ جۇمىسشىلاردىڭ سانىن ەكى ەسەگە كوبەيتەتىنىن ايتقان. ەلباسىمىزدىڭ باستامالارى نەگىزىندە سالىنىپ جاتقان اتالمىش تۇرعىن ۇيلەر الداعى جىلدىڭ قاراشا جانە مامىر ايلارىندا ەل يگىلىگىنە بەرىلەدى دەپ كۇتىلۋدە.

سونىمەن قاتار، تالدىقورعان قالاسىنىڭ اكىمى عالىمجان ءابدىرايىموۆ تالدىقورعان قالاسىنداعى كوتتەدجدى قالاشىقتى دا ارالاپ كورگەن. جانە، وڭتۇستىك-باتىس اۋدانداعى تۇرعىن ۇيلەر مەن قاتار “جاستار - 3” شاعىن اۋدانىندا بىرقاتار اتقارىلىپ جاتقان جۇمىستارمەن تانىسقان.

وسىلايشا ەلباسىمىز نۇرسۇلتان ءابىشۇلى نازارباەۆتىڭ باستامالارى ءار وڭىردە قولداۋ تاۋىپ، ۇلكەن جۇمىستار اتقارىلۋدا. ەلباسىمىزدىڭ باستاماسى نەگىزىندە قولعا الىنعان جۇمىستار ءوڭىر باسشىلارىنىڭ قاتاڭ باقىلاۋىندا. ەگەر وسى قارقىن جالعاسا بەرەتىن بولسا، ەلباسىمىزدىڭ “پرەزيدەنتتىڭ بەس الەۋمەتتىك باستاماسى” دا ءوزىنىڭ كوزدەگەن مەجەسىنە جەتەتىن بولادى. ال، ەلباسىمىزدىڭ باستاماالارى قاشان دا حالىقتىڭ كوڭىلىنەن شىعاتىنى راس.

Abai.kz