“پرەزيدەنتتىڭ بەس الەۋمەتتىك باستاماسى” – بۇل ەلباسى نۇرسۇلتان ءابىشۇلى نازارباەۆتىڭ قازاستان حالقىنا ارناعان ۇندەۋى. بۇل ۇندەۋدىڭ ماقساتى – قازاستاندىقتاردىڭ ءال-اۋقاتىن ارتتىرىپ، تۇرمىس ساپاسىن جاقسارتۋ. ياعني، حالىقتىڭ باسپانامەن قامتىلۋى، جۇمىسشىلاردىڭ جالاقىسىنىڭ كوبەيۋى، ءبىلىم الۋدىڭ قولجەتىمدىلىگى، شاعىن جانە ورتا بيزنەسپەن اينالىسۋدى ماقسات ەتكەندەردى قولداۋ، سونداي-اق، ەلدى گازبەن قامتاماسىز ەتۋ سىندى بەس نەگىزگى مىندەتى بار.

ەندى ەلباسى ۇندەۋىنىڭ ءبىرىنشى باستاماسىنا توقتالساق. “قازاقستانداعى ءاربىر وتباسىنا باسپانا الۋدىڭ جاڭا مۇمكىندىكتەرىن بەرۋ” دەپ اتالادى. ياعني، نەسيە مولشەرى 7 پايىزدان اسپايتىن، بانكتەردەگى باستاپقى جارنا 20 پروتسەنت بولاتىن، 25 جىلدىق نەسيە راسىمدەۋ ارقىلى ەلباسىنىڭ “7-20-25” دەپ اتالاتىن الەۋمەتتىك جوباسىنا قاتىسا الاسىز. پرەزيدەنت اتالعان جوبانىڭ حالىققا ءتيىمدى بولۋى ءۇشىن ۇلتتىق بانك پەن ەكىنشى دەڭگەيلى بانكتەردىڭ جانە قور نارىعىنىڭ يگىلىكتەرىن پايدالانۋ قاجەتتىگىن ايتتى. ول ءۇشىن ۇلتتىق بانك 1 تريلليون تەڭگە كولەمىندە اقشا اينالىمىن جاسايتىن كومپانيا قۇرۋى قاجەت. سايكەسىنشە، ول قارجى اتالعان شارتتار بويىنشا، يپوتەكالىق جاڭا نەسيەلەر ساتىپ الۋعا جۇمسالماق.

ەلباسىمىزدىڭ وسى باستاماسى ءوڭىر باسشىلارىنان دا ۇلكەن قولداۋعا يە بولدى. تيىسىنشە، ولار دا پرەزيدەنت تاپسىرماسىن ورىنداۋدا قارقىندى جۇمىستار اتقارىپ جاتىر. بۇل قارقىن جۋىردا عانا اكىمى اۋىسقان تۇركىستان وبلىسىندا دا بايقالادى. ماسەلەن، ءوڭىر باسىشالىرىنىڭ جوسپارى بويىنشا الداعى تاياۋ ۋاقىتتا تۇركىستان وبلىسى، كەنتاۋ قالاسىنىڭ 900 گە جۋىق وتباسى تۇرعىن ۇيمەن قامتىلماق.

وسى جىلى كەنتاۋ قالاسىندا ەلباسى تاپسىرماسىنا وراي، 300 گە جۋىق شاڭىراق باسپانالى بولادى. ال، كەلەر جىلى تۇرعىن ۇيمەن قامتىلعانداردىڭ سانى 900 گە جەتپەك. بۇل شاعىن قالاداعى تۇرعىندار ءۇشىن ۇلكەن قۋانىش ەكەنى بەلگىلى.

تاعى ءبىر كوڭىل قۋانتارلىعى -  قازىرگى كەزەڭدە كەنتاۋ شاھارىنداعى بەس قاباتتى بەس تۇرعىن ءۇيدىڭ قۇرىلىسى اياقتالۋعا جاقىن. ال، ولاردىڭ ارقايسىندا 60 پاتەردەن بار. ناقتىراق ايتساق، كەنتاۋ قالاسىنىڭ № 9ب كوشەسى مەن ءۋاليحانوۆ كوشەسىندەگى تۇرعىن ءۇي قۇرىلىس جۇمىستارى اياقتالىپ، قازىر اۋلالاردى  اباتتاندىرۋ جۇمىستارى جۇرگىزىلىپ جاتقان كورىنەدى. سونداي-اق، شاھارداعى جىبەك جولى كوشەسىندەگى №41 تۇرعىن ءۇيدىڭ دە جۇمىستارى اياقتالىپ قالعان. سونىمەن قاتار، № 136 ا دەپ اتالاتىن باسپانانىڭ قۇرىلىس نىسانى تولىعىمەن اياقتالعان. قازىر مۇندا دا اۋلانى كورىكتەندىرۋ جۇمىستارى ءجۇرىپ جاتىر.

بۇل تىزىمگە شاھارداعى ساكەن سەيفۋللين اتىنداعى كوشەنىڭ №116 تۇرعىن ءۇي كەشەنى دە كىرەدى. مۇندا قازىر سىرتقى سىلاق جۇمىستارى جۇرگىزىلىپ جاتقان كورىنەدى. سونىمكەن قاتار كەنتاۋداعى قوناەۆ كوشەسىندە ورنالاسقان №44ا تۇرعىن ءۇي نىسانى بويىنشا جوندەۋ جۇمىستارى جۇرگىزىلىپ جاتىر. الداعى ۋاقىتتا مۇنداعى 4 قاباتتىڭ قابىرعالارىن تۇرعىزۋ جۇمىستارى جاسالىپ جاتىر. بۇل اتالمىش باسپانالاردا 1 بولمەلى – 15 پاتەر، 2 بولمەلى – 15 پاتەر، 3 بولمەلى – 30 پاتەر بار.

وعان قوسىمشا، ءاليحانوۆ كوشەسىنەن تاعى 10 تۇرعىن ءۇيدىڭ قۇرىلىسى باستالعان. ول تۇرعىن ۇيلەر 5 قاباتتى، 60 پاتەردەن تۇرادى. كەلەر جىلى ەل يگىلىگىنە بەرىلەتىن اتالمىش نىساندارداعى پاتەر سانى 600 ءدى قۇرايدى. ال، ولاردىڭ جالپى اۋدانى – 33 470 شارشى مەتر بولعان.

ايتا كەتەيىك، تۇركىستان وبلىسىنىڭ كەنتاۋ قالاسىنادا وتكەن جىلى ەلباسىنىڭ تاپسىرماسىنا سايكەس، 60 پاتەرلى 2 تۇرعىن ءۇي نىسانىنىڭ قۇرىلىسى جۇرگىزىلگەن بولاتىن. ناتيجەسىندە، 120 شاڭىراق قونىس تويىن تويلاعان. ول تۇرعىن ۇيلەردىڭ جالپى اۋدانى – 7294 شارشى مەتردى قۇرايتىن كورىنەدى.

وڭىردەگى وسىنداي ىرگەلى ىستەر ەل دامۋىنىڭ كەپىلى بولاتىنى ءسوزسىز. ەلباسى تاپسىرماسىن ورىنداۋدا وارقىندىلىق تانىتىپ وتىرعان ءوڭىر باسشىلارى ءوز كەزەگىندە حالىقتىڭ دا باسپانالى بولۋعا دەگەن سەنىمىن نىعايتا تۇسكەندەي. جالپى، بۇگىندە ەلباسى تاپسىرماسىنىڭ وسىنداي ەل يگلىگىنە اينالعانى قۋانتادى. بۇل ءىس الداعى ۋاقىتتا دا ءوز باعىتىنان جاڭىلماسا دەيمىز.

Abai.kz