جۇمىس ساپارى بارىسىندا اۋىل شارۋاشىلىعى ءمينيسترى اۋداندار مەن وبلىس ورتالىعىنداعى بىرقاتار اگروونەركاسىپتىك كەشەندەردى  جانە سۋ شارۋاشىلىعى نىساندارىن ارالادى، سونداي-اق ءداستۇرلى V مالشىلار سلەتىنە قاتىستى.

اۋىل شارۋاشىلىعى ءمينيسترىنىڭ سىر وڭىرىنە ساپارى ارال اۋدانىنان باستالدى. وندا كوكارال بوگەتى مەن قاراوزەك سۋ قويماسىنىڭ جۇمىسىمەن تانىسىپ، "سىرداريا وزەنىنىڭ ارناسىن رەتتەۋ جانە ارال تەڭىزىنىڭ سولتۇستىك بولىگىن ساقتاۋ" جوباسىنىڭ ەكىنشى كەزەڭىن  جۇزەگە اسىرۋ ماسەلەلەرى تالقىلاندى. ەستەرىڭىزگە سالا كەتەيىك، كوكارال بوگەتى 2005 جىلى پايدالانۋعا بەرىلگەن ەدى.  2017 جىلى ارنايى كوميسسيا سۋ جيناۋ قۇرىلعىسىنىڭ وڭ بولىگىندەگى اقاۋلاردى انىقتاعان بولاتىن. بۇگىنگى كۇنى بوگەتتى جوندەۋدىڭ تەحنيكالىق ەكونوميكالىق نەگىزدەمەسى ازىرلەندى.

ەستەرىڭىزگە سالا كەتەيىك، بۇل ماسەلە اعىمداعى جىلى 7 اقپانداعى قاۋىپسىزدىك كەڭەسىنىڭ وتىرىسىندا دا كوتەرىلدى. كەڭەس قورىتىندىسى بويىنشا  تۇڭعىش پرەزيدەنت – ەلباسى ن.ءا.نازارباەۆ قىزىلوردا وبلىسىنىڭ الەۋمەتتىك-ەكونوميكالىق دامۋىنىڭ كەشەندى جوسپارىن ازىرلەۋدى تاپسىردى.  28 مامىردا قر ۇكىمەتى قۇجاتتى بەكىتتى. اتالمىش كەشەندى جوسپار ءوڭىردىڭ سۋ شارۋاشىلىعىن دامىتۋ ماسەلەلەرىن دە قامتيدى. ونىڭ ىشىندە جالپى سوماسى 14,7 ملرد.تەڭگە بولاتىن 15 ءىس-شارانى ىسكە اسىرۋ جوسپارلانۋدا. اتاپ ايتقاندا، بۇل ءىس-شارالار كوكارال بوگەتىن ساقتاۋعا جانە سىرداريا وزەنىنىڭ ارناسىن قالپىنا كەلتىرۋگە، سونداي-اق "كۇمىسكەتكەن" جانە "قاراوزەك" سۋ قويمالارىن سالۋعا باعىتتالعان.

اۋىل شارۋاشىلىعى ءمينيسترى ارال اۋدانىندا بالىق وڭدەۋ زاۋىتىنىڭ جۇمىسىمەن تانىستى. بۇل كاسىپورىندا جىلىنا 6 مىڭ توننا ءونىم وندىرىلەدى: مۇزداتىلعان بالىق، فيلە، ستەيك جانە ت. ب. زاۋىتتا 60 ادام، ال ماۋسىمىندا  100-گە جۋىق ادام جۇمىس ىستەيدى.  زاۋىتتىڭ ونىمدەرى  رەسەي، قىتاي، وزبەكستان، پولشا، گرۋزيا، ءازىربايجان، گوللانديا، گەرمانيا جانە دانياعا ەكسپورتتالادى.

سونىمەن قاتار، مينيستر قازالى اۋدانىنداعى تاۋلىگىنە 30 مىڭ توننا ءسۇت وندىرەتىن "رزا" اق ءسۇت-تاۋار كەشەنى مەن ءسۇت زاۋىتىنىڭ جۇمىسىمەن تانىستى. زاۋىت ونىمدەرى قىزىلوردا، ماڭعىستاۋ، اتىراۋ، اقتوبە جانە باتىس قازاقستان وبلىستارىندا ساتىلادى.

س.وماروۆ قارماقشى اۋدانىندا  قورقىت اتا مەموريالدىق كەشەنىنە بارىپ، مۋزەيدىڭ جاڭارتىلعان ەكسپوناتتارىمەن تانىستى. ەستەرىڭىزگە سالا كەتەيىك، قىزىلوردا وبلىسى، قارماقشى اۋدانىندا 1980 جىلدارى تۇركى الەمىنە ورتاق رۋحاني ۇستاز قورقىت اتانىڭ قۇرمەتىنە مەموريالدىق كەشەن سالىنعان. 2014 جىلى قر تۇڭعىش پرەزيدەنتى –ەلباسى ن.نازارباەۆتىڭ تاپسىرماسىمەن كەشەنگە قايتا جاڭعىرتۋ جۇمىستارى جۇرگىزىلىپ، قوسىمشا جاڭادان زيارات ەتۋ نىسانى سالىندى. مەموريالدىق كەشەن "باتىس ەۋروپا - باتىس قىتاي" حالىقارالىق اۆتوماگيسترالىنىڭ بويىندا ورنالاسقان. 2018 جىلدىڭ قاراشا ايىندا پورت-لۋي قالاسىندا (ماۆريكي رەسپۋبليكاسى) يۋنەسكو-نىڭ 13-سەسسياسىندا قورقىت اتا مۇراسىن ادامزاتتىڭ ماتەريالدىق ەمەس مادەني مۇراسىنىڭ رەپرەزەنتاتيۆتىك تىزىمىنە ەنگىزۋ تۋرالى شەشىم قابىلدانعان بولاتىن.

بۇدان سوڭ  قر اۋىل شارۋاشىلىعى ءمينيسترى 1956 جىلى سالىنعان قىزىلوردا سۋ تورابىنا باردى. 2022 جىلعا دەيىنگى وبلىستى دامىتۋدىڭ كەشەندى جوسپارىندا قىزىلوردا سۋ تورابىن جوندەۋ قاراستىرىلعان.  سونىڭ ناتيجەسىندە ونىڭ اپاتتىق ماسەلەسى  شەشىلەتىن بولادى. سۋ تورابى بۇزىلعان جاعدايدا 110 مىڭ گەكتار سۋارمالى جەر مەن 250 مىڭ گەكتار جايىلىمدىق جەر جانە دە وبلىستىڭ 3 اۋدانى ايماعىنداعى شابىندىقتارىن سۋمەن جابدىقتاۋى بۇزىلىپ، قىزىلوردا قالاسى مەن 400 مىڭنان اسا ادامدار تۇراتىن 35 ەلدىمەكەندى سۋ باسۋى مۇمكىن.

شيەلى اۋدانىندا ساپارحان وماروۆ جاڭاقورعان جانە شيەلى اۋداندارىن سۋارمالى سۋمەن قامتاماسىز ەتۋ ماقساتىندا 2015 جىلى سالىنعان ۇرلەمەلى بوگەتتى ارالاپ كوردى. ەستەرىڭىزگە سالا كەتەيىك، جاڭاقورعان جانە شيەلى اۋداندارىنداعى ۇرلەمەلى بوگەتتەر قۇرىلىسىنىڭ ارقاسىندا ءوڭىر وڭتۇستىك اۋدانداردا پايدالانىلمايتىن 60 مىڭ گەكتار ەگىستىك جانە جايىلىمدىق جەرلەردى يگەرۋگە مۇمكىندىك الدى.

قر اۋىل شارۋاشىلىعى ءمينيسترىنىڭ جۇمىس ساپارى قارجى ينستيتۋتتارى باسشىلارىنىڭ، مال شارۋاشىلىعى بويىنشا عىلىمي-زەرتتەۋ ينستيتۋتتارىنىڭ جەتەكشى عالىمدارىنىڭ جانە قازاقستاننىڭ 6 وبلىسىنان كەلگەن دەلەگاتتار  قاتىسقان ءداستۇرلى مالشىلار سلەتىمەن قورىتىندىلاندى.

ەسكە سالايىق، اتالمىش سلەت وڭىردە 2015 جىلدان بەرى وتكىزىلىپ كەلەدى جانە ايماقتاعى مال شارۋاشىلىعىنىڭ  وزەكتى   ماسەلەلەرى تالقىلاناتىن الاڭعا اينالعان. بيىل سلەت رەسپۋبليكالىق دەڭگەيدە وتۋدە. سلەت شەڭبەرىندە مامانداندىرىلعان كورمە مەن سەمينار ۇيىمداستىرىلىپ، وندا سەلەكتسيالىق مال شارۋاشىلىعىن دامىتۋ جانە اۋىل شارۋاشىلىعى ونىمدەرىنىڭ باسەكەگە قابىلەتتىلىگىن ارتتىرۋ ماسەلەلەرى ايتىلدى. سونىمەن قاتار،  ءداستۇر بويىنشا سلەت اياسىندا اگرارلىق سالانىڭ ۇزدىك قىزمەتكەرلەرى 11 نوميناتسيا بويىنشا ماراپاتتالدى.

ايتا كەتۋ كەرەك، سوڭعى 5 جىلدا وبلىستا اگرارلىق سالاعا تارتىلعان ينۆەستيتسيا كولەمى 27 ەسەگە ءوستى.  ال ەكسپورتتالاتىن ءونىم تۇرلەرى سوڭعى 6 جىلدا 3-تەن 16-عا دەيىن ارتىپ وتىر.

Abai.kz