ەلىمىزدە كەشە عانا وتكەن پرەزيدەنتتىك سايلاۋدىڭ دەموكراتيالىق تۇرعىدا جوعارعى دەڭگەيدە ءوتۋى باسقا ەلدەرگە ۇلگى بولدى دەپ سانايمىن. سايلاۋعا تۇسكەن بارلىق ۇمىتكەرلەرگە مەملەكەت تاراپىنان زاڭعا سايكەس بىردەي جاعداي جاسالدى. ۇمىتكەرلەر حالىقپەن كەزدەسىپ، ءوز جوبالارىن جەتكىزدى.

قاسىم-جومارت كەمەلۇلىنىڭ سايلاۋداعى جەڭىسى زاڭدى دەپ ويلايمىن. ويتكەنى ول حالىقتىڭ ويىنان شىعا بىلگەن، حالىقارالىق دەڭگەيدەگى ديپلومات، قايراتكەر، مەملەكەتىمىزدىڭ بارلىق جاعدايىن بىلەتىن، حالىقتىڭ مۇڭ-مۇقتاجىن تۇسىنەتىن، ۇلكەن ءومىردىڭ مەكتەبىن وتكەن ساياساتكەر. مەن سەنات دەپۋتاتى بولعاندا، باسقا قىزمەتتەردى اتقارعاندا دا قاسىم-جومارت كەمەلۇلى مادەنيەتتى، ءبىلىمدى، وزىنە عانا ءتان ادامگەرشىلىگى، ىسكەرلىك قاسيەتتەرى بار بيىك تۇلعالى ازامات ەكەنىن بايقادىم.

وسىعان وراي، ق.توقاەۆتى بۇگىنگى جەڭىسىمەن الماتى قالاسى عالىمدار قاۋىمداستىعى اتىنان شىن جۇرەكتەن قۇتتىقتايمىز.

بيجانوۆ احان قۇسايىنۇلى

قر بعم عك فيلوسوفيا، ساياساتتانۋ
جانە ءدىنتانۋ ينستيتۋتىنىڭ
ديرەكتورى، س.ع.د، پروفەسسور

Abai.kz