سەيسەنبى, 22 قازان 2019
46 - ءسوز 1909 2 پىكىر 21 ماۋسىم, 2019 ساعات 14:10

مادەنيەت ءمينيسترى كينوتەاترلارداعى قازاقشا كونتەنتتى كوبەيتسىن!

سۋ جاڭا مادەنيەت ءمينيسترىنىڭ كەشەلى بەرى تالقىلاپ جاتقان تاقىرىبىنا قوسىلمايىن. شىنداپ كەلگەندە بۇل ءمينيستردى الاڭداتقان باستى ماسەلە ەمەس، "بەلگىسىز بىرەۋلەردىڭ" جاساندى تۇردە جۇرتتىڭ نازارىن اۋدارتۋ ءۇشىن جاسالعان دۇنيە دەپ ويلايمىن. بىراق ۇسىنىس ايتايىن رۇقسات بولسا.

قۇرمەتتى، اقتوتى رايىمقۇلوۆا، كينوتەاترلاردا قازاقشا كونتەنتتى جىلىنا 5-6 رەت قانا كورسەتەدى. كينوتەاترلاردا 12 جاسقا دەيىنگى اۋديتوريا ءۇشىن قازاقشا دۋبلياجدى، پرايم تايم ۋاقىتتى مىندەتتەۋگە بولار ەدى.

بىراق ءسىزدەر ازىرلەسىپ بيىل قابىلدانعان "كينەماتوگرافيا تۋرالى" زاڭدارىڭىزعا راقمەت. "بولاشاق" كق دۋبلياجداعان (مەملەكەتتىڭ ءبىر تيىنى جۇمسالماي) "ويىنشىقتار حيكاياسى" انيماتسيالىق ءفيلمى كەشە استانادا 89 رەت كورسەتىلدى. قازاقشا بولادى دەگەن 6 سەانس مۇلدەم كورسەتىلمەدى. ەندى بۇگىن استانادا وسى انيماتسيالىق ءفيلمنىڭ 86 سەانسى بولادى. ونىڭ 14-ءى عانا قازاقشا. قازاقشاسىن مۇلدەم كورسەتپەي وتىرعان كينوتەاترلار بار! (ماسەلەن، ەۆرازيا Cinema7).

الماتى قالاسىندا بۇگىن 218 سەانس بار، ونىڭ 14-ءى قازاق تىلىندە. قازاق ءتىلىنىڭ قامىن ءدال وسى جەردە جەپ، ءدال وسى ماسەلەدە قورعاساڭىز، ابىرويىڭىز الدىڭعى ارىپتەسىڭىزدەن گورى بيىگىرەك بولار ەدى. 

بەللا ورىنبەتوۆانىڭ facebook پاراقشاسىنان

Abai.kz

2 پىكىر