«كەمەڭگەرلىكتىڭ 30 جىلى» كونفەرەنتسياسى تاريحتان ساباق الۋعا مۇمكىندىك بەردى. قر پارلامەنت ءماجىلىسىنىڭ دەپۋتاتى قۋانىش سۇلتانوۆ وسىلاي دەيدى.

«ءبىزدىڭ كوپشىلىگىمىز، وسىندا وتىرعان زامانداستار ەكى داۋىردە ءومىر ءسۇرىپ كەلەمىز. بۇگىنگى كەزدەسۋىمىز كەيبىر شولاقتاۋ ويلايتىن زامانداستارىمىز باعالاعانداي، وتكەندى اڭساۋ ەمەس. بۇگىن تاريحتان ساباق الىپ، ءوسۋ جولدارىمىزدى جادىمىزدا ساقتادىق، تەڭسىزدىكتەن ارىلىپ، ەلدىككە قول جەتكىزۋدىڭ  قادىر-قاسيەتىن تۇسىندىك. ءسىزدىڭ ەل باسشىلىعىندا قىزمەت ەتكەن 30 جىلىڭىزعا وراي ءوتىپ جاتقان كونفەرەنتسياعا قاسىم-جومارت توقاەۆ  ەكەۋىڭىز قاتىسىپ، ءسوز سويلەگەندەرىڭىز - ىنتىماقتىڭ، بيلىك بىرلىگىنىڭ ۇلگىسى. ناعىز مەملەكەتتىك وركەندەۋ ساباقتاستىعىنىڭ ايقىن كورىنىسى دەسەك بولادى. بۇگىنگى بايانداماڭىزدى تولقىماي تىڭداۋ مۇمكىن ەمەس. مەن بۇنى ءسىزدىڭ اتقارعان پارىزىڭىزدىڭ كودەكسى دەپ قابىلدادىم»، - دەدى قۋانىش سۇلتانوۆ.

قۋانىش سۇلتانوۆتىڭ ايتۋىنشا، ەلباسىنىڭ ءار جىلدارى كوتەرگەن باستاماسى، مەملەكەت مۇددەسىنە ايتىلعان ءاربىر ءسوزى، قالىڭ ەلدىڭ كوڭىلىنەن شىعىپ كەلەدى. «ستۋدەنت جاستاردىڭ شەرۋىنە بايلانىستى 1987 جىلى ورتالىق كوميتەتى ارنايى قاۋلى قابىلداپ «قازاحسكي ناتسيوناليزم» دەپ باعا بەردى. نۇرسۇلتان نازارباەۆ وسى قاۋلىنىڭ ادىلەتسىزدىگىن دالەلدەپ، الدەنەشە رەت ساياسي مىنبەرلەرگە شىعىپ ءجۇرىپ، قاۋلىنىڭ كۇشىن جويعىزدى. بۇل بيلەۋشى كومپارتيا تاريحىندا بۇرىن سوڭدى بولماعان نارسە. ءبىرىنشى حاتشى بولىسىمەن 1 ايدان كەيىن قاراعاندىداعى شاحتەرلەردىڭ ەرەۋىلىن توقتاتتى. ۇوس-تا ەرلىگى قازاق شەڭبەرىنەن الىسقا شىعىپ جۇرسە دە لايىقتى باعاسىن الا الماعان باۋىرجان مومىشۇلىنا كەڭەس وداعى باتىرى اتاعىن بەرگىزدى. مەملەكەتتىك باسقارۋدى جاڭعىرتىپ، سەمەي پوليگونىن جاپتى. كوسمودروم قازاق جەرىندە بولسا دا قازاق عارىشكەرلەرى بولماعان. توقتار اۋباكىروۆ پەن تالعات مۇساباەۆتى عارىشقا ۇشىردى. دۇنيەجۇزى قازاقتارىنىڭ تۇڭعىش قۇرىلتايىن وتكىزىپ، 1 ملن وتانداسىمىزدىڭ وتانىنا ورالۋىنا ەسىك اشىپ، جاعداي جاسادى. 30 جىلدا وسىدان بۇرىن 300 جىلدا قولىمىز جەتپەگەن ارمانعا نۇرسۇلتان ءابىشۇلى قولىمىزدى جەتكىزدى»، - دەدى قۋانىش سۇلتانوۆ.

ايتا كەتەيىك، بۇگىن الماتىدا قر تۇڭعىش پرەزيدەنتى نۇرسۇلتان نازارباەۆتىڭ ساياسي كوشباسشىلىق فەنومەنىن زەرتتەۋگە ارنالعان «كەمەڭگەرلىكتىڭ 30 جىلى» حالىقارالىق عىلىمي كونفەرەنتسيا وتىپ جاتىر.

كونفەرەنتسياعا قر پرەزيدەنتى قاسىم-جومارت توقاەۆ پەن ەلباسى نۇرسۇلتان نازارباەۆ قاتىستى.

Abai.kz