قركف ءباسپاسوز قىزمەتى قازاقستان رەسپۋبليكاسى كاسىپوداقتار فەدەراتسياسى باسشىلىعىنىڭ اۋىسۋى تۋرالى بەلگىسىز دەرەككوزدەرىنە سىلتەمە ارقىلى تارالعان اقپاراتتىڭ اقيقاتقا سايكەس كەلمەيتىندىگىن حابارلايدى.

2018 جىلعى 3 قازانداعى قركف XXV سەزىندە دەلەگاتتاردىڭ كوپشىلىك داۋىسىمەن سايلانعان قر كاسىپوداقتار فەدەراتسياسىنىڭ توراعاسى باقىتجان ءابدىرايىم قازىرگى ۋاقىتتا قىسقا مەرزىمدى دەمالىسقا شىقتى جانە ءوزىن قىزمەتتەن بوساتۋ تۋرالى ءوتىنىش بەرگەن جوق.

وسى ورايدا قركف ءباسپاسوز قىزمەتى قر كاسىپوداقتار فەدەراتسياسى شەشىمدەرىنىڭ قابىلدانۋ ۇردىسىنە تۇسىنىكتەمە بەرەدى:

- شەشىم قابىلداۋدىڭ دەموكراتيالىق راسىمدەرىنە سايكەس قر كاسىپوداقتار فەدەراتسياسىنىڭ بارلىق شەشىمدەرىن ونىڭ سايلاۋ ورگاندارى (اتقارۋ كوميتەتى، باس كەڭەس، سەزد) القالى نەگىزدە قابىلدايدى;

- جارعىنىڭ 32-تارماعىنىڭ 3-تارماقشاسىنا سايكەس قركف توراعاسىن سايلاۋ جانە قىزمەتىنەن بوساتۋ قركف سەزىنىڭ قۇزىرەتىنە جاتادى. جارعىعا سايكەس سەزدەر اراسىنداعى كەزەڭدە قركف توراعاسى ءوز قالاۋىمەن وكىلەتتىگىن توقتاتقان جاعدايدا ونى لاۋازىمىنان بوساتۋ تۋرالى شەشىمدى قركف-تىڭ بارلىق مۇشە ۇيىمدارىنىڭ (سالالىق كاسىپوداقتار جانە اۋماقتىق كاسىپوداقتار بىرلەستىكتەرى) وكىلدەرىنەن تۇراتىن باس كەڭەس قابىلدايدى;

- باس كەڭەستىڭ وتىرىسىن شاقىرۋ تۋرالى شەشىمدى جارعىنىڭ 47-تارماعىنا جانە قركف قىزمەتىن رەتتەيتىن باسقا قۇجاتتاردىڭ نورمالارىنا سايكەس قركف اتقارۋ كوميتەتى قابىلدايدى. باس كەڭەستى شاقىرۋ جانە ونىڭ كۇن ءتارتىبى تۋرالى اقپارات وتىرىسقا دەيىن ءبىر اي بۇرىن حابارلانادى.

قازىرگى تاڭدا اتقارۋ كوميتەتى باس كەڭەستىڭ وتىرىسىن شاقىرۋ تۋرالى شەشىم قابىلداعان جوق.

Abai.kz