ماۋلەن اشىمباەۆ پرەزيدەنتتىڭ كومەكشىسى بولدى
ماۋلەن اشىمباەۆ پرەزيدەنتتىڭ كومەكشىسى بولدى. بۇل تۋرالى اقوردا سايتى حابارلادى.
"ماۋلەن ساعاتحانۇلى اشىمباەۆ قازاقستان رەسپۋبليكاسى پرەزيدەنتىنىڭ كومەكشىسى بولىپ تاعايىندالسىن" دەپ جازىلعان پرەزيدەنت جارلىعىندا.
ماۋلەن ساعاتحانۇلى اشىمباەۆ 1971 جىلى 28 قاڭتاردا الماتىدا تۋعان. ەكونوميست، قوعام قايراتكەرى، قازاقستان رەسپۋبليكاسى پارلامەنتى ءماجىلىسىنىڭ V شاقىرىلىمىنىڭ حالىقارالىق ىستەر، قورعانىس جانە قاۋىپسىزدىك كوميتەتىنىڭ توراعاسى بولعان، "نۇر وتان" پارتياسى توراعاسىنىڭ ءبىرىنشى ورىنباسارى بولدى.
ۋنيۆەرسيتەتتى بىتىرگەننەن سوڭ 1993-1994 جىلدارى ءباسپاسوز جانە بۇقارالىق اقپارات مينيسترلىگىنىڭ جۇيەسىندە جۇمىس ىستەدى.
1994-1995 جىلدارى – قازاقستان رەسپۋبليكاسى جوعارعى كەڭەس دەپۋتاتىنىڭ كومەكشىسى بولدى.
1995-1999 جىلدار ارالىعىندا قازاقستان رەسپۋبليكاسى پرەزيدەنتى اكىمشىلىگى ساراپتاۋ جانە ستراتەگيالىق زەرتتەۋلەر ورتالىعىنىڭ باس ساراپشىسى، سەكتور مەڭگەرۋشىسى، وسى ورتالىق جەتەكشىسىنىڭ ءبىرىنشى ورىنباسارى قىزمەتىن اتقاردى.
1999-2000 جىلدارى – قاۋىپسىزدىك كەڭەسى ساراپتاۋ ورتالىعىنىڭ مەڭگەرۋشىسى بولىپ تاعايىندالدى.
2000-2002 جىلدارى – قاۋىپسىزدىك كەڭەسى ساراپتاۋ ورتالىعىنىڭ مەڭگەرۋشىسى – قازاقستان رەسپۋبليكاسى پرەزيدەنتى جانىنداعى ستراتەگيالىق زەرتتەۋلەر ينستيتۋتىنىڭ ديرەكتورى بولدى.
2002-2005 جىلدارى – قازاقستان رەسپۋبليكاسى پرەزيدەنتى جانىنداعى ستراتەگيالىق زەرتتەۋلەر ينستيتۋتىنىڭ ديرەكتورى بولدى.
2005-2006 جىلدارى – قازاقستان رەسپۋبليكاسى قاۋىپسىزدىك كەڭەسى حاتشىسىنىڭ ورىنباسارى بولدى.
2006-2011 جىلدارى – قازاقستان رەسپۋبليكاسى پرەزيدەنتى اكىمشىلىگى باسشىسىنىڭ ورىنباسارى بولدى.
2012 جىلعى اقپاننان باستاپ V سايلانعان قازاقستان رەسپۋبليكاسى پارلامەنتى ءماجىلىسىنىڭ دەپۋتاتى، حالىقارالىق ىستەر، قورعانىس جانە قاۋىپسىزدىك كوميتەتىنىڭ توراعاسى قىزمەتىن اتقارۋدا. «نۇر وتان» حالىقتىق دەموكراتيالىق پارتياسىنىڭ مۇشەسى، پارتيالىق ءتىزىم بويىنشا سايلانعان.
2018 جىلى 1 اقپاننان باستاپ- "نۇر وتان" پارتياسى توراعاسىنىڭ ءبىرىنشى ورىنباسارى بولعان.
«قۇرمەت» وردەنىمەن ماراپاتتالعان. 2003 جىلى دجون-حوپكينس ۋنيۆەرسيتەتىنىنىڭ حالىقارالىق زەرتتەۋلەر مەكتەبىندە (اقش) عىلىمي ستاجيروۆكادان ءوتتى. اعىلشىن ءتىلىن ەركىن مەڭگەرگەن.
Abai.kz
