قازاقستاننىڭ ەليتاسى نەگە جابىق؟
سوتسيولوگيادا مىنانداي ۇعىم بار - ەليتالاردىڭ جابىقتىعى - زامكنۋتوست ەليت. كەز كەلگەن مەملەكەتتىڭ ەليتاسى جابىق بولسا - بۇنداي ەل دامىمايدى، ءتۇبى قۇريدى. ەليتانىڭ وكىلدەرى ءبىر بىرىمەن ۇيلەنەدى، مەملەكەتتىڭ جوعارى لاۋازىمدارىنا تەك ءوز قاتارىنان ادامداردى تاڭداپ قويادى، قاراپايىم ادامدارعا جوعارى جاققا جول جابىق بولادى. مۇنداي مەملەكەتتە ادال باسەكەلەستىك بولمايدى، جاڭا دارىندى، ەڭبەكقور ادامدار قوعامنىڭ ءبىرىنشى قاتارىنا شىعا الماي، سول قوعامدى العا يتەرە المايدى. سوندا مۇنداي ەليتانىڭ بالالارى ناشاقور، ىشكىش بولىپ قۇريدى. مۇنداي ءالسىز ەليتاسىمەن بىرگە مەملەكەتتىڭ ءوزى دە اقىرى شاشىلىپ كەتەدى.
بۇنداي ءۇردىستى سوتسيولوگتار ەجەلگى ريمنەن باستاپ كسروعا دەيىن بايقادى. ول دالەلدەنگەن فاكت.
ەندى قازاقستان دا مەنىڭشە بۇنداي احۋالعا جەتكەن سياقتى. اكىم بولۋ ءۇشىن سەن سەناتوردىڭ نەمەسە بۇرىنعى اكىمنىڭ بالاسى بولۋ كەرەكسىڭ. بايدىڭ بالاسى بولماساڭ سەندە اكىم نەمەسە مينيستر بولۋعا مۇمكىندىك جوق. ياعني ءبىر ەلدىڭ ازاماتتاردىڭ مۇمكىندىكتەرى الدىن الا تەڭ ەمەس. بۇل ادىلەتتى باسەكەلەستىكتىڭ جوقتىڭ قاسى.
باسەكەلەستىك - دامۋدىڭ نەگىزى. بيزنەس بولسىن، ساياسات بولسىن، ءومىردىڭ زاڭى سونداي. اكىم بولۋ ءۇشىن ازاماتتار ادىلەتتى سايلاۋدا جارىسۋ كەرەك. سوندا عانا ەليتا - شىنىمەن كۇشتى ەليتا بولادى. مۇنداي ەليتا ەلدى العا يتەرە الادى. ال ءالسىز، جاساندى ەليتا ساتقىن بولادى، تيىن ءۇشىن ۇلت مۇددەلەرىن الادى دا ساتىپ جىبەرەدى....
PS. قازاقتىڭ بۇرىنعى يا بۇگىنگى ەليتاسىن سالىستىرىپ كورىڭىزدەر.
مۇحتار تايجاننىڭ facebook پاراقشاسىنان
Abai.kz
